Primeiru Tesalónika
1 Haʼu Paulo, Silvano*+ no Timóteo,+ haruka karta neʼe ba kongregasaun* Tesalónika neʼebé ida deʼit ho Aman Maromak no Naʼi Jesus Kristu:
Haʼu harohan katak Maromak sei haraik ninia laran-diʼak neʼebé boot no dame ba imi.
2 Ami sempre fó obrigadu ba Maromak kuandu ami temi kona-ba imi hotu iha ami-nia orasaun,+ 3 tanba iha ita-nia Aman Maromak nia oin ami nunka haluha serbisu neʼebé imi halo ho fiar no domin, no oinsá imi tahan susar tanba imi-nia esperansa+ iha ita-nia Naʼi Jesus Kristu. 4 Maun-alin sira, ami hatene katak Maromak hadomi imi no nia hili ona imi, 5 tanba liafuan diʼak neʼebé ami haklaken ba imi laʼós ho liafuan deʼit, maibé ho kbiit no ho espíritu santu no fiar neʼebé metin, hanesan imi rasik hatene buat neʼebé ami halo ona ba imi-nia diʼak. 6 Imi halo tuir ona ami-nia ezemplu+ no mós Naʼi nia ezemplu,+ tanba imi simu liafuan neʼe ho haksolok husi espíritu santu maski hasoru terus barak.+ 7 Nuneʼe imi sai ona ezemplu diʼak ba fiar-naʼin hotu iha Masedónia no Akaia.
8 Tuir loloos, laʼós iha Masedónia no Akaia deʼit mak ema rona Jeová* nia liafuan tanba imi, maibé imi-nia fiar ba Maromak habelar iha fatin hotu,+ tan neʼe ami la presiza koʼalia buat ida. 9 Tanba sira rasik kontinua konta kona-ba oinsá ami hasoru imi ba dala primeiru no oinsá imi fila ba Maromak hodi husik imi-nia estátua*+ sira no sai atan ba Maromak neʼebé loos no moris, 10 no imi mós hein ba ninia Oan-Mane husi lalehan,+ ida neʼebé nia fó moris hiʼas ona husi mate, neʼe katak Jesus, neʼebé salva ita husi Maromak nia hirus neʼebé atu mai.+