Salmo
David nia knananuk.
35 Oh Jeová, defende haʼu-nia kazu hasoru haʼu-nia inimigu sira;+
Halo funu hasoru sira neʼebé funu kontra haʼu.+
3 Foti Ita-nia diman no baliu funu nian hodi kontra sira neʼebé duni tuir haʼu.+
Favór ida, dehan ba haʼu: “Haʼu mak salva ó.”+
4 Halo ema sira neʼebé buka atu oho haʼu hetan moe boot.+
No sira neʼebé halo planu atu halakon haʼu hakiduk ho moe.
5 Halo sira sai hanesan trigu-kulit neʼebé anin lori lakon tiha;
No haʼu hein katak Jeová nia anju sei halo sira halai namkari.+
6 Halo sira-nia dalan sai nakukun no namdoras
Bainhira Jeová nia anju duni tuir sira.
7 Tanba sira subar rede ida atu lasu haʼu la ho razaun;
Sira keʼe rai-kuak ida ba haʼu la ho razaun.
8 Halo sira kona susar derrepente deʼit;
No halo rede neʼebé sira subar lasu fali sira;
Halo sira tama ba rede neʼe no lakon tiha.+
9 Maibé haʼu sei haksolok tanba Jeová;
Haʼu sei haksolok tebes tanba salvasaun husi nia.
10 Ho laran tomak haʼu sei dehan:
“Oh Jeová, sé mak hanesan Ita?
Ita salva ema kbiit-laek husi ema neʼebé forte liu sira,+
No salva ema kbiit-laek no ema kiak husi ema neʼebé naʼok sira-nia sasán.”+
12 Sira selu fali haʼu-nia diʼak ho buat neʼebé aat+
Hodi halo haʼu sente triste.
13 Maibé bainhira sira moras, haʼu hatais hena karón;*
Haʼu haterus haʼu-nia an* hodi halo jejún,
No bainhira Maromak la hatán haʼu-nia orasaun,*
14 Haʼu laʼo bá-mai lelir hanesan ema lelir ba belun ka ba haʼu-nia maun-alin ida;
Haʼu hakruʼuk ho triste, hanesan ema ida sai triste ba ninia inan neʼebé mate.
15 Maibé bainhira haʼu sidi, sira haksolok no halibur hamutuk;
Sira halibur hamutuk hodi hein subasubar atu ataka haʼu;
Sira la nonook bainhira lees haʼu ba pedasuk.
17 Oh Jeová, toʼo bainhira mak Ita sei kontinua hateke deʼit?+
Salva haʼu husi sira neʼebé ataka haʼu,+
Salva haʼu-nia moris neʼebé folin-boot husi leaun-aman sira.+
18 Tuirmai haʼu sei fó agradese ba Ita iha kongregasaun boot nia leet;+
Haʼu sei hahiʼi Ita iha ema-lubun boot nia leet.
19 Keta husik sira neʼebé sai haʼu-nia inimigu la ho razaun atu kontente tanba haʼu-nia terus;
Keta husik sira neʼebé odi haʼu la ho razaun+ atu piska matan hodi goza haʼu.+
20 Tanba sira la koʼalia liafuan dame nian,
Maibé sira halo planu aat atu bosok ema sira neʼebé buka dame iha rai neʼe.+
21 Sira loke luan sira-nia ibun atu duun haʼu,
Hodi dehan: “Ó halo duni! Ami haree ona neʼe ho ami-nia matan rasik.”
22 Oh Jeová, Ita rasik haree ona. Keta nonook deʼit.+
Oh Jeová, keta hadook an nafatin husi haʼu.+
23 Hadeer bá no hamriik hodi defende haʼu,
Oh Jeová, haʼu-nia Maromak, defende haʼu-nia kazu bá.
24 Oh Jeová, haʼu-nia Maromak, tesi-lia ba haʼu tuir Ita-nia hahalok loos;+
Keta husik sira kontente tanba haʼu-nia terus.
25 Favór ida, keta husik sira atu dehan ba sira-nia an: “Neʼe mak buat neʼebé ami hakarak.”
Keta husik sira dehan: “Ami tolan ona nia.”+
26 Kona-ba sira neʼebé kontente tanba haʼu-nia terus,
Favór ida, halo sira hetan moe boot no halo ema la respeitu sira.
Halo sira hotu neʼebé hatún haʼu ho foti an hetan moe boot.
27 Maibé husik sira neʼebé kontente ho haʼu-nia hahalok loos atu haklalak ho haksolok;
Husik sira kontinua dehan:
“Fó glória ba Jeová, Maromak neʼebé kontente bainhira ninia atan sira iha dame.”+