Salmo
David nia knananuk.
141 Oh Jeová, haʼu bolu Ita.+
Mai hodi ajuda haʼu lalais.+
See tilun didiʼak bainhira haʼu bolu Ita.+
2 Haʼu hein katak haʼu-nia orasaun bele sai hanesan insensu+ neʼebé prepara ona iha Ita-nia oin,+
No haʼu-nia liman neʼebé foti saʼe bele sai hanesan sakrifísiu trigu* nian neʼebé hasaʼe iha kalan.+
4 Keta husik haʼu-nia laran kaan buat neʼebé aat,+
No keta husik haʼu hola parte iha ema aat nia hahalok aat sira;
Haʼu sei nunka han sira-nia hahán neʼebé gostu hamutuk ho sira.
5 Se ema laran-loos baku haʼu, neʼe mak hahalok domin neʼebé laran-metin;+
Se nia korrije haʼu, neʼe mak hanesan tau mina iha haʼu-nia ulun,+
Neʼebé haʼu-nia ulun sempre gosta atu simu.+
Maski nia iha susar laran, haʼu sei kontinua halo orasaun ba nia.
6 Maski povu nia juís sira soe tun tiha husi fatuk lolon,
Povu sei see tilun didiʼak ba haʼu-nia liafuan, tanba liafuan sira-neʼe mak diʼak tebes.
7 Hanesan ema ida fila rai no halo rahun rai,
Nuneʼe mós ami-nia ruin sira namkari ona iha rate* nia ibun.
8 Maibé haʼu-nia matan hateke ba Ita, oh Jeová, Naʼi Ukun-Naʼin Boot Liu.+
Haʼu buka ona protesaun husi Ita.
Keta hasai haʼu-nia moris.
9 Proteje haʼu husi lasu neʼebé sira tau ona ba haʼu,
Husi ema aat nia lasu sira.
10 Ema aat hotu sei monu hamutuk ba sira-nia rede rasik+
Maibé haʼu laʼo liu ho seguru.