Salmo
71 Oh Jeová, haʼu buka ona protesaun husi Ita.
Haʼu harohan katak haʼu sei nunka hetan moe.+
2 Salva haʼu bá tanba Ita-nia hahalok loos.
See tilun* ba haʼu no salva haʼu.+
3 Favór ida, sai nuʼudar haʼu-nia uma aas iha fatuk boot leten,
Fatin neʼebé haʼu bele tama beibeik.
Fó mandamentu bá atu salva haʼu,
Tanba Ita mak haʼu-nia fatuk boot no haʼu-nia fatin seguru.+
4 Oh haʼu-nia Maromak, salva haʼu husi ema aat nia liman,+
Husi ema aat neʼebé hanehan haʼu.
5 Tanba Ita mak haʼu-nia esperansa, oh Jeová, Naʼi Ukun-Naʼin Boot Liu;
Haʼu tau fiar ona ba Ita husi haʼu-nia tempu joven kedas.+
6 Haʼu sadere ba Ita husi tempu neʼebé haʼu moris mai;
Ita mak foti haʼu husi haʼu-nia inan nia knotak.+
Haʼu nafatin hahiʼi Ita.
7 Ba ema barak, haʼu sai ona hanesan milagre ida,
Maibé Ita mak haʼu-nia fatin protesaun neʼebé metin.
8 Haʼu-nia ibun nakonu ho liafuan hahiʼi nian ba Ita;+
Loron tomak haʼu konta kona-ba Ita-nia glória.
10 Haʼu-nia inimigu sira koʼalia kontra haʼu,
No sira neʼebé buka atu oho haʼu halo planu aat hamutuk,+
11 Hodi dehan: “Maromak husik ona nia.
Mai ita duni tuir nia no kaer nia, tanba la iha ema ida atu salva nia.”+
12 Oh Maromak, keta hadook an nafatin husi haʼu.
Oh haʼu-nia Maromak, ajuda haʼu lalais.+
13 Favór ida, halo sira neʼebé kontra haʼu
Hetan moe no lakon mohu.+
Halo sira neʼebé buka atu haterus haʼu
Hetan moe boot.+
14 Maibé kona-ba haʼu, haʼu sei kontinua hein ba Ita;
Haʼu sei hahiʼi Ita liután.
15 Haʼu-nia ibun sei konta fali kona-ba Ita-nia hahalok loos,+
Loron tomak haʼu konta fali kona-ba salvasaun husi Ita,
16 Haʼu sei mai no fó sai kona-ba Ita-nia hahalok boot sira,
Oh Jeová, Naʼi Ukun-Naʼin Boot Liu;
Haʼu sei temi deʼit kona-ba Ita-nia hahalok loos.
17 Oh Maromak, Ita hanorin ona haʼu husi haʼu-nia tempu joven kedas,+
No toʼo agora haʼu kontinua fó sai buat furak sira neʼebé Ita halo.+
18 Oh Maromak, keta husik hela haʼu maski haʼu katuas no fuuk mutin ona.+
Husik haʼu atu konta kona-ba Ita-nia kbiit* ba jerasaun tuirmai
No konta kona-ba Ita-nia kbiit boot ba sira hotu neʼebé atu mai.+
19 Oh Maromak, Ita-nia hahalok loos sira mak aas tebes;+
Ita halo ona buat kmanek oioin;
Oh Maromak, sé mak hanesan Ita?+
20 Maski Ita halo haʼu hasoru susar no problema barak,+
Maibé favór ida, fó fali kbiit mai haʼu;
21 Haʼu harohan katak Ita aumenta haʼu-nia dignidade
No haleʼu haʼu hodi fó kmaan haʼu.
22 Tuirmai haʼu sei hahiʼi Ita hodi toka instrumentu neʼebé iha talin
Tanba Ita-nia laran-metin, oh haʼu-nia Maromak.+
Haʼu sei kanta knananuk hahiʼi nian* ba Ita hodi toka arpa,
Oh Maromak neʼebé Santu ba Izraél.
23 Haʼu-nia ibun sei haklalak ho haksolok bainhira haʼu kanta knananuk hahiʼi nian ba Ita,+