Salmo
Ba dirijente. David nia salmo. Knananuk ida.
68 Haʼu harohan katak Maromak sei hamriik, no ninia inimigu sira sei namkari,
No katak sira neʼebé odi nia sei halai husi ninia oin.+
2 Favór ida, halakon tiha sira hanesan anin lori lakon tiha suar;
Hanesan ahi halo lilin nabeen,
Nuneʼe mós, halo ema aat sira lakon husi Ita-nia oin.+
3 Maibé haʼu harohan katak ema laran-loos sira sei haksolok;+
Katak sira sei kontente iha Maromak nia oin;
No katak sira sei haklalak ho haksolok.
4 Kanta ba Maromak; kanta knananuk hahiʼi nian* ba ninia naran.+
Kanta ba Ida neʼebé liu daudaun rai-tetuk maran.*
Ninia naran mak Jah!*+ Haksolok bá iha ninia oin!
5 Maromak neʼebé hela iha ninia hela-fatin santu+ mak
6 Maromak fó uma ba ema neʼebé mesak deʼit hodi nia bele hela bá;+
Nia halo livre ema dadur sira hodi sira bele moris diʼak.+
Maibé ema ulun-toos* tenke hela iha rai neʼebé maran-dekor.+
8 Rai nakdoko ona;+
Udan tun husi lalehan tanba Maromak;
Foho Sinai nakdoko ona tanba Maromak, Izraél nia Maromak.+
9 Oh Maromak, Ita halo udan-been tun beibeik;
Ita fó forsa fali ba Ita-nia povu* neʼebé kole ona.
10 Sira hela iha Ita-nia tenda sira;+
Oh Maromak, tanba Ita-nia laran-diʼak, Ita fó ona buat neʼebé ema kiak presiza.
12 Liurai no sira-nia tropa mós halai,+ sin, sira halai!
Maibé feto neʼebé hela nafatin iha uma sei simu parte husi sasán neʼebé hadau ona iha funu.+
13 Maski imi tropa sira toba iha liʼur besik ahi,*
Maibé imi sei simu manu-pombu ida ho liras neʼebé taka ho osan-mutin,
No liras nia rohan mak husi osan-mean neʼebé diʼak liu.*
14 Bainhira Maromak neʼebé Kbiit Boot Liu Hotu halo namkari rai neʼe nia liurai sira,+
Jelu-rahun tun iha Zalmon.*
16 Oh imi foho sira neʼebé aas, tanbasá mak imi hateke ho laran-moras
Ba foho neʼebé Maromak hili ona nuʼudar ninia hela-fatin?+
Tuir loloos, Jeová sei hela iha neʼebá ba nafatin.+
17 Maromak nia kuda-karreta funu nian iha rihun ba rihun.+
Jeová mai ona husi Sinai hodi tama ba fatin santu.+
Ita lori tiha dadur sira;
Ita foti mane sira nuʼudar prezente,+
Sin, Ita foti mós mane neʼebé ulun-toos,+ atu hela iha sira-nia leet, oh Maromak Jah.
19 Fó hahiʼi ba Jeová, neʼebé lori ita-nia naha todan loroloron,+
Maromak loos neʼebé salva ita. (Sela)
20 Ba ita, Maromak loos mak salva ita;+
No Jeová, Naʼi Ukun-Naʼin Boot Liu, fó dalan ba ita atu halai sees husi mate.+
21 Sin, Maromak sei baku rahun ninia inimigu sira-nia ulun,
No baku rahun ema hotu nia ulun, katak ema neʼebé kontinua laʼo* tuir sira-nia sala.+
22 Jeová dehan ona: “Haʼu sei lori sira fila fali husi Basan;+
Haʼu sei lori sira fila fali husi tasi neʼebé kleʼan,
23 Atu nuneʼe ó-nia ain bele sama inimigu sira-nia raan+
No ó-nia asu bele lambe sira-nia raan.”
24 Oh Maromak, sira haree Ita-nia ema marxa tanba manán funu,
Haʼu-nia Maromak, haʼu-nia Liurai, nia ema marxa hodi tama ba fatin santu.+
25 Kantadór sira laʼo iha oin, no ema sira neʼebé toka instrumentu neʼebé iha talin laʼo tuir sira;+
No iha sira-nia klaran mak feto joven sira neʼebé baku tamborín.+
26 Hahiʼi Maromak iha kongregasaun boot nia leet;
Fó hahiʼi ba Jeová, imi neʼebé moris mai husi Izraél nia Hun.*+
27 Iha neʼebá, Benjamim+ neʼebé oan-ikun mak domina* sira,
Nuneʼe mós ho ulun-naʼin sira husi Judá hamutuk ho sira-nia ema-lubun neʼebé barullu,
Ulun-naʼin sira husi Zebulão, no ulun-naʼin sira husi Naftali.
28 Ó-nia Maromak fó sai ona mandamentu katak ó sei hetan forsa.
Oh Maromak, hatudu sai Ita-nia forsa, hanesan uluk Ita hatudu sai ona hodi apoia ami.+
30 Favór ida, korrije animál fuik sira neʼebé iha duʼut laran,
No mós karau-aman lubun+ no sira-nia oan,
Toʼo povu sira hakruʼuk no lori osan-mutin.*
Maibé nia halo namkari povu sira neʼebé gosta funu.
33 Kanta ba Ida neʼebé book an iha lalehan aas liu, lalehan husi tempu uluk kedas.+
Haree bá! Nia halo tarutu ho ninia lian neʼebé makaʼas tebes.
34 Rekoñese Maromak nia kbiit bá.+
Ninia glória mak iha Izraél tomak,
No ninia kbiit iha lalehan.*
35 Maromak mak kmanek tebes iha ninia* fatin sagradu.+
Nia mak Izraél nia Maromak,
Ida neʼebé fó kbiit no forsa ba povu.+
Hahiʼi Maromak bá.