Salmo

 3 Fó sai ninia glória iha nasaun sira-nia leet,

Fó sai ninia hahalok furak sira iha povu hotu nia leet.+

 5 Povu seluk nia maromak sira hotu mak maromak folin-laek,+

Maibé Jeová mak ida neʼebé kria lalehan.+

 6 Dignidade no kmanek mak iha ninia oin;+

Kbiit no buat furak mak iha ninia fatin sagradu.+

 7 Oh imi família sira husi nasaun hotu, fó hahiʼi ba Jeová,

Fó hahiʼi ba Jeová tanba nia iha glória no kbiit.+

 8 Fó glória ba Jeová tanba ninia naran;+

Lori prezente no tama iha ninia pátiu* sira iha ninia uma.

 9 Hakruʼuk ba* Jeová hodi uza roupa neʼebé santu;*

Nakdedar iha ninia oin, oh mundu tomak!

11 Husik lalehan haksolok no husik rai kontente bá;

Husik tasi no mós buat hotu neʼebé iha tasi laran fó hahiʼi ba nia;+

12 Husik rai-luan sira no buat hotu neʼebé iha rai-luan haksolok bá.+

No iha tempu hanesan, husik ai-hun hotu iha ai-laran haklalak ho haksolok+

13 Iha Jeová nia oin, tanba nia mai daudaun,*

Nia mai daudaun atu tesi-lia ba mundu.

Nia sei tesi-lia ho loloos ba ema hotu iha rai+

No ba povu sira ho ninia laran-metin.+