Salmo
Kora nia oan-mane sira-nia knananuk.+
48 Jeová mak boot liu no merese duni atu simu hahiʼi
Iha ita-nia Maromak nia sidade, iha ninia foho santu.
2 Foho Siaun dook tebes iha parte norte,
Neʼe mak Liurai Boot nia sidade,+
Foho neʼe aas no furak tebes, no halo mundu tomak haksolok.+
3 Maromak hatudu sai ona katak nia mak fatin protesaun* neʼebé seguru+
Iha sidade neʼe nia uma aas* sira neʼebé metin.
4 Tanba haree bá! liurai sira halibur hamutuk ona;*
Sira mai hamutuk.
5 Bainhira sira haree sidade neʼe, sira hakfodak.
Sira laran-nakdedar no halai ho taʼuk.
6 Iha neʼebá mak sira nakdedar tebes,
Sira terus tebes hanesan feto ida neʼebé atu tuur-ahi.
7 Ho anin husi parte leste, Ita harahun tiha ró Tarsis sira.*
8 Buat neʼebé ami rona deʼit, agora ami rasik haree ona
Iha ita-nia Maromak nia sidade, sidade husi Jeová neʼebé ukun tropa lalehan nian.
Maromak sei halo sidade neʼe seguru ba nafatin.+ (Sela)
9 Oh Maromak, iha Ita-nia templu laran mak
Ami hanoin kleʼan kona-ba Ita-nia domin neʼebé laran-metin.+
10 Oh Maromak, Ita-nia naran no Ita-nia glória
Toʼo rai hotu iha mundu tomak.+
Ita-nia liman-loos nakonu ho justisa.+
11 Haʼu harohan katak Foho Siaun+ haksolok
No sidade* sira iha Judá sai kontente, tanba Ita-nia tesi-lia.+
13 Hanoin didiʼak kona-ba ninia moru neʼebé metin.+
Haree didiʼak ninia uma aas* sira neʼebé seguru,
Atu nuneʼe imi bele konta fali kona-ba neʼe ba jerasaun sira iha futuru.
14 Tanba Maromak mak ita-nia Maromak tinan ba tinan ba nafatin.+