Primeiru Timóteo
5 Keta korrije mane sira neʼebé idade liu ho liafuan makaʼas.+ Maibé fó konsellu ba sira ho laran-diʼak hanesan ó-nia aman, no ba mane joven sira hanesan ó-nia alin, 2 ba feto sira neʼebé idade liu hanesan ó-nia inan, no ba feto joven sira hanesan ó-nia feton, no halo nuneʼe ho hahalok neʼebé moos.
3 Tau matan ba* feto-faluk sira neʼebé presiza duni ajuda.*+ 4 Maibé se feto-faluk ida iha oan ka bei-oan, husik sira hatudu uluk sira-nia laran-metin ba Maromak* hodi tau matan ba sira-nia umakain rasik.+ Sira tenke tau matan ba sira-nia inan-aman no avó sira hanesan selu fali debe,+ tanba Maromak simu ida-neʼe.+ 5 Feto neʼebé loloos faluk duni no la iha ema atu tau matan, nia tau esperansa ba Maromak+ no kontinua harohan no halo orasaun loron no kalan.+ 6 Maibé feto-faluk neʼebé halaʼo ninia moris tuir hakarak isin nian* mate ona maski nia sei moris hela. 7 Tan neʼe, kontinua fó sai matadalan* sira-neʼe, atu nuneʼe ema labele hetan razaun atu duun sira. 8 Tuir loloos, se ema ida la tau matan ba ninia família, no liuliu ba sira neʼebé iha ninia umakain rasik, nia nega ona ninia fiar no aat liu fali ema neʼebé la iha fiar.+
9 Tau feto-faluk nia naran iha lista se nia tinan 60 liu, neʼebé uluk laran-metin ba ninia laʼen,* 10 iha naran diʼak kona-ba halo serbisu diʼak sira,+ treinu ona ninia oan sira ho didiʼak,+ toman atu simu ema ho laran-diʼak,*+ fase ema santu* sira-nia ain,*+ ajuda ema neʼebé iha susar laran,+ no badinas hodi halo buat hotu neʼebé diʼak.
11 Iha parte seluk, keta tau feto-faluk neʼebé seidauk idade liu nia naran iha lista, tanba bainhira sira-nia hakarak seksuál nian hanetik sira atu serbí Kristu, sira sei kaben fali. 12 Sira sei hetan tesi-lia tanba sira husik ona sira-nia promesa uluk nian.* 13 Iha tempu hanesan, sira mós sai baruk-teen, sira laʼo husi uma ida ba uma seluk. Sin, sira laʼós sai baruk-teen deʼit, maibé mós konta ema nia vida no mete iha ema seluk nia moris,+ no sira koʼalia kona-ba buat neʼebé sira la iha direitu atu koʼalia. 14 Tan neʼe, haʼu hakarak feto-faluk neʼebé seidauk idade liu atu kaben,+ iha oan,+ no tau matan ba ninia umakain, atu nuneʼe kontradór sira la iha razaun atu kritika ita. 15 Tuir loloos, feto-faluk balu fila kotuk ona hodi tuir fali Satanás. 16 Se feto fiar-naʼin ida iha família sira neʼebé sai ona feto-faluk, nia tenke ajuda sira atu la hatodan kongregasaun. Hodi nuneʼe kongregasaun bele ajuda feto-faluk sira neʼebé presiza duni ajuda.*+
17 Hatudu respeitu neʼebé kleʼan liu+ ba katuas sira neʼebé tau matan didiʼak ba kongregasaun,+ liuliu sira neʼebé serbisu makaʼas atu koʼalia no hanorin.+ 18 Tanba eskritura dehan: “Imi labele taka netik karau-aman nia ibun kuandu nia sama hela trigu-fulin”,+ no eskritura mós dehan: “Serbisu-naʼin merese atu simu ninia kolen.”+ 19 Se ema ida duun katuas* ida, keta simu ida-neʼe, só deʼit kuandu iha prova husi sasin naʼin-rua ka tolu.+ 20 Kona-ba ema sira neʼebé halo sala beibeik,+ fó dixiplina+ ba sira iha ema hotu nia oin, hodi bele sai nuʼudar avizu ba sira seluk.* 21 Haʼu haruka ó iha Maromak no Kristu Jesus nia oin, no iha anju sira neʼebé Maromak hili ona nia oin, atu halo tuir matadalan sira-neʼe hodi la todan ba sorin ka fihir ema.+
22 Keta tau liman ba mane ruma ho ansi,*+ no keta hola parte iha ema seluk nia sala. Kaer metin ba hahalok moos.
23 Keta hemu deʼit bee,* maibé hemu mós tua-uvas uitoan tanba neʼe diʼak ba ó-nia kabun no tanba ó moras beibeik.
24 Ema balu nia sala ema hotu hatene, tan neʼe sira hetan kedas tesi-lia. Maibé iha ema balu neʼebé halo sala, no liutiha tempu balu mak ninia sala foin hatudu sai.+ 25 Nuneʼe mós hahalok diʼak balu ema hotu hatene,+ maibé hahalok diʼak neʼebé ema hotu la hatene, sei la subar ba nafatin.+