Primeiru Krónikas

2 Izraél+ nia oan-mane sira mak tuirmai neʼe: Ruben,+ Simeão,+ Levi,+ Judá,+ Issacar,+ Zebulão,+ 2 Dan,+ José,+ Benjamim,+ Naftali,+ Gad+ no Aser.+

3 Judá nia oan-mane sira mak Er, Onan no Selá. Judá nia oan-mane naʼin-tolu neʼe moris husi Sua nia oan-feto, ema Kanaan.+ Maibé Jeová la kontente ho Judá nia oan primeiru Er, tan neʼe Nia oho Er.+ 4 Tamar,+ Judá nia feto-foun, tuur-ahi Peres+ no Zerá. Judá nia oan-mane hotu hamutuk naʼin-lima.

5 Peres nia oan-mane sira mak Hezron no Hamul.+

6 Zerá nia oan-mane sira mak Zimri, Etan, Heman, Kalkol no Dara. Zerá nia oan-mane hotu hamutuk naʼin-lima.

7 Karmi nia oan-mane* mak Akar,* neʼebé lori susar ba Izraél.+ Akar la halo tuir Maromak nia mandamentu kona-ba buat neʼebé deside ona atu halakon tiha.+

8 Etan nia oan-mane* mak Azarias.

9 Hezron nia oan-mane sira mak Jerameel,+ Ram+ no Kelubai.*

10 Ram nia oan-mane mak Aminadab.+ Aminadab nia oan-mane mak Nasson,+ neʼebé nuʼudar xefe ba Judá nia bei-oan sira. 11 Nasson nia oan-mane mak Salma.+ Salma nia oan-mane mak Boaz.+ 12 Boaz nia oan-mane mak Obed. Obed nia oan-mane mak Jessé.+ 13 Jessé nia oan-mane primeiru mak Eliab, oan-mane segundu mak Abinadab,+ terseiru mak Simeia,+ 14 númeru haat mak Netanel, lima mak Radai, 15 neen mak Ozem, no hitu mak David.+ 16 Sira-nia feton mak Zeruia no Abigail.+ Zeruia nia oan-mane naʼin-tolu nia naran mak Abisai,+ Joab+ no Asael.+ 17 Abigail nia oan mak Amasa,+ no Amasa nia aman mak Jeter ema Ismael.

18 Hezron nia oan-mane Caleb* iha oan-mane sira husi ninia feen Azuba no husi nia feen Jeriot; Azuba nia oan-mane sira mak Jeser, Sobab no Ardon. 19 Bainhira Azuba mate, Caleb kaben tan ho Efrata,+ no Efrata tuur-ahi Hur.+ 20 Hur nia oan-mane mak Uri. Uri nia oan-mane mak Bezalel.+

21 Depois neʼe, Hezron kaben ho Makir+ nia oan-feto. Makir mak Gilead+ nia aman. Hezron kaben ho feto neʼe bainhira Hezron tinan 60, no sira-nia oan-mane mak Segub. 22 Segub nia oan-mane mak Jair,+ neʼebé foti sidade 23 iha rai-Gilead nuʼudar ninian.+ 23 Depois neʼe, ema Gesur+ no Síria+ hadau Havot-Jair,+ Kenat+ no ninia sidade kiʼik sira,* sidade hotu neʼe hamutuk 60. Mane sira-neʼe hotu mak jerasaun husi Gilead nia aman Makir.

24 Bainhira Hezron+ mate iha Caleb-Efrata, ninia feen Abias tuur-ahi Axur,+ Tekoa+ nia aman.*

25 Hezron nia oan-mane primeiru mak Jerameel. Jerameel nia oan-mane primeiru mak Ram, tuirmai mak Buna, Oren, Ozem no Ahias. 26 Jerameel iha mós feen seluk, ninia naran mak Atara. Feto neʼe nia oan mak Onam. 27 Jerameel nia oan-mane primeiru Ram nia oan-mane sira mak Maaz, Jamin no Eker. 28 Onam nia oan-mane sira mak Samai no Jada. Samai nia oan-mane sira mak Nadab no Abisur. 29 Abisur nia feen nia naran mak Abihail, neʼebé tuur-ahi Abão no Molid. 30 Nadab nia oan-mane sira mak Seled no Apaim. Maibé Seled mate no la iha oan-mane. 31 Apaim nia oan-mane* mak Isi. Isi nia oan-mane* mak Sesan. Sesan nia oan-mane* mak Alai. 32 Samai nia alin Jada nia oan-mane sira mak Jeter no Jonatan. Maibé Jeter mate no la iha oan-mane. 33 Jonatan nia oan-mane sira mak Pelete no Zaza. Mane sira-neʼe hotu mak jerasaun husi Jerameel.

34 Sesan la iha oan-mane ida, só oan-feto deʼit. Sesan iha atan ida naran Jara, nia mak ema Ejitu. 35 Sesan entrega ninia oan-feto ba nia atan Jara nuʼudar feen, no feto neʼe tuur-ahi Atai. 36 Atai nia oan-mane mak Natan. Natan nia oan-mane mak Zabad. 37 Zabad nia oan-mane mak Eflal. Eflal nia oan-mane mak Obed. 38 Obed nia oan-mane mak Jeú. Jeú nia oan-mane mak Azarias. 39 Azarias nia oan-mane mak Helez. Helez nia oan-mane mak Eleasa. 40 Eleasa nia oan-mane mak Sismai. Sismai nia oan-mane mak Salum. 41 Salum nia oan-mane mak Jekamias. Jekamias nia oan-mane mak Elisama.

42 Jerameel nia alin Caleb*+ nia oan-mane primeiru mak Mesa, neʼebé sai aman ba Zif, no mós Maresa nia oan-mane sira. Maresa mak Hebron nia aman. 43 Hebron nia oan-mane sira mak Kora, Tapua, Rekem no Sema. 44 Sema nia oan-mane mak Raham, Jorkeam nia aman. Rekem nia oan-mane mak Samai. 45 Samai nia oan-mane mak Maon. Maon nia oan-mane mak Bet-Zur.+ 46 Caleb nia feen-kiʼik Efa tuur-ahi Haran, Moza no Gazez. Haran nia oan-mane mak Gazez. 47 Jadai nia oan-mane sira mak Regem, Jotão, Gesan, Pelet, Efa no Saaf. 48 Caleb nia feen-kiʼik Maaka tuur-ahi Seber no Tirhana. 49 Depois neʼe, nia tuur-ahi Saaf neʼebé ikusmai sai Madmana+ nia aman no Seva neʼebé ikusmai sai Makbena no Gibea+ nia aman. Caleb+ nia oan-feto mak Aksa.+ 50 Sira hotu mak jerasaun husi Caleb.

Efrata+ nia oan-mane primeiru Hur+ nia oan-mane sira mak Sobal neʼebé nuʼudar Kiriat-Jearim+ nia aman, 51 no Salma neʼebé nuʼudar Belein+ nia aman, no mós Haref neʼebé nuʼudar Bet-Gader nia aman. 52 Kiriat-Jearim nia aman Sobal, nia oan-mane mak Haroé. Sobal mak ema Menuhot sorin balu nia beiʼala. 53 Família sira neʼebé hela iha Kiriat-Jearim mak ema Itri,+ ema Put, ema Sumati no ema Misrai. Ema Zorat+ no ema Estaol+ mai husi sira. 54 Salma nia jerasaun sira mak ema Belein,+ ema Netofa, ema Atrot-Bet-Joab, ema Manaat sorin balu no ema Zora. 55 Família eskriba nian neʼebé hela iha Jabez mak ema Tirat, ema Simea no ema Sukat. Sira mak ema Keneu,+ neʼebé mak jerasaun husi Hamat. Hamat mak aman ba Recab+ nia umakain.