Segundu Samuel

21 Iha David nia tempu rai-hamlaha+ mosu durante tinan tolu tuituir malu, entaun David husu ba Jeová no Jeová hatán: “Saul no ninia umakain hetan sala kona-ba raan, tanba nia oho ema Gibeão.”+ 2 Entaun liurai bolu ema Gibeão+ no koʼalia ho sira. Tuir loloos, ema Gibeão laʼós ema Izraél maibé restu husi ema Amoreu,+ no ema Izraél jura ona atu la oho sira,+ maibé Saul buka atu oho sira tanba nia la gosta sira hela iha povu Izraél no povu Judá nia leet. 3 David hatete ba ema Gibeão: “Saida mak haʼu sei halo ba imi? Oinsá mak haʼu bele hamoos sala neʼe, atu nuneʼe imi sei haraik bensaun ba Jeová nia povu?”* 4 Ema Gibeão dehan ba nia: “Ami la husu osan-mutin ka osan-mean+ atu selu fali buat neʼebé Saul no ninia umakain halo ona ba ami. Ami mós labele oho ema ida iha Izraél.” Rona tiha neʼe, David dehan: “Buat naran deʼit neʼebé imi hatete, haʼu sei halo ba imi.” 5 Sira hatete ba liurai: “Kona-ba mane neʼebé oho ami no halo planu aat atu halakon ami husi fatin hotu iha Izraél nia área sira,+ 6 entrega mane neʼe nia oan-mane naʼin-hitu ba ami. Ami sei tara sira-nia mate-isin*+ iha Jeová nia oin iha Gibea,+ Saul nia sidade, ema neʼebé uluk Jeová hili.”+ Liurai hatete: “Haʼu sei entrega sira ba imi.”

7 Maibé, liurai hanoin Jonatan nia oan-mane Mefiboset,+ Saul nia bei-oan, tanba David halo ona juramentu ho Saul nia oan-mane Jonatan+ iha Jeová nia oin. 8 Entaun liurai foti Saul nia oan-mane naʼin-rua, Armoni no Mefiboset. Sira-nia inan mak Rizpa,+ no Rizpa mak Aias nia oan-feto. Liurai mós foti Saul nia oan-feto Mical*+ nia oan-mane naʼin-lima, neʼebé moris ba Adriel.+ Adriel mak Barzilai nia oan-mane, ema Mehola. 9 Tuirmai nia entrega sira ba ema Gibeão, no ema Gibeão tara sira-nia mate-isin iha foho iha Jeová nia oin.+ Sira naʼin-hitu mate hamutuk, sira mate iha loron primeiru iha tempu koʼa nian, katak tempu neʼebé foin hahú koʼa sevada. 10 Tuirmai Aias nia oan-feto Rizpa+ foti hena karón* no nahe iha fatuk leten hahú husi tempu koʼa nian toʼo udan tun ba rai hodi kona mate-isin sira-neʼe. Nia la husik manu sira iha lalehan tun ba mate-isin sira-neʼe durante loron no la husik animál fuik husi rai-luan atu hakbesik durante kalan.

11 Ikusmai ema fó-hatene ba David kona-ba buat neʼebé Saul nia feen-kiʼik Rizpa, Aias nia oan-feto, halo ona. 12 Entaun David bá foti Saul nia ruin no ninia oan Jonatan nia ruin husi ulun-naʼin sira* iha Jabes-Gilead.+ Ema sira-neʼe naʼok mate-isin husi fatin públiku iha sidade Bet-San, iha fatin neʼebé ema Filístia tara Saul no Jonatan nia mate-isin iha loron neʼebé sira oho Saul iha Gilboa.+ 13 David lori Saul nia ruin no ninia oan Jonatan nia ruin husi neʼebá, no sira mós halibur ruin husi ema sira neʼebé hetan kastigu-mate.*+ 14 Tuirmai sira hakoi Saul nia ruin no ninia oan Jonatan nia ruin iha rai-Benjamim iha ninia aman Kis+ nia rate neʼebé iha Zela.+ Bainhira sira halo tuir ona liurai nia mandamentu, Maromak rona sira-nia halerik kona-ba rai neʼe.+

15 Dala ida tan ema Filístia sira mai halo funu ho ema Izraél.+ Entaun David no ninia atan sira bá funu hasoru ema Filístia, maibé David sai kole tebes. 16 Ema Refaim+ nia jerasaun ida naran Isbi-Benob hanoin atu oho David. Isbi-Benob nia diman halo husi riti no todan kilograma tolu ho balu*+ no nia mós lori surik foun. 17 Maibé Zeruia nia oan-mane Abisai+ mai kedas ajuda+ David no ataka ema Filístia neʼe no oho nia. Iha tempu neʼebá David nia atan sira jura ba nia, dehan: “Ita labele tuir ami bá funu!+ Ita labele hamate Izraél nia ahi-oan!”*+

18 Depois neʼe, funu entre ema Izraél no ema Filístia+ akontese tan iha Gob. Iha tempu neʼebá mak Sibekai+ ema Husa oho Safe, neʼebé mak ema Refaim nia jerasaun.+

19 Dala ida tan funu entre ema Izraél no ema Filístia+ akontese iha Gob, no Jaare-Orejim nia oan-mane Elanan ema Belein, oho Golias ema Gat neʼebé lori diman boot hanesan ai neʼebé ema uza atu soru hena.+

20 Funu akontese dala ida tan iha Gat, no iha neʼebá iha mane ida neʼebé isin-boot tebes, no ninia liman-fuan 6 iha liman ida-idak no ain-fuan 6 iha ain ida-idak, entaun ninia liman-fuan no ain-fuan hamutuk 24. Nia mós ema Refaim nia jerasaun.+ 21 Nia kontinua sadik ema Izraél.+ Entaun David nia maun Simei*+ nia oan-mane Jonatan oho ema neʼe.

22 Mane naʼin-haat neʼe mak ema Refaim nia jerasaun iha Gat, no sira mate iha David no ninia atan sira-nia liman.+