Salmo
74 Oh Maromak, tanbasá mak Ita husik hela ami ba nafatin?+
Tanbasá mak Ita sai hirus makaʼas* ba bibi-lubun neʼebé Ita tau matan?+
2 Hanoin-hetan bá povu neʼebé Ita hili ona horiuluk kedas,+
Suku neʼebé Ita sosa ona nuʼudar Ita-nia liman-rohan.+
Hanoin-hetan Foho Siaun, neʼebé Ita hela bá.+
3 Favór ida, hakat ba fatin neʼebé rahun ona ba nafatin.+
Inimigu harahun ona buat hotu iha fatin santu.+
4 Ita-nia inimigu sira hakilar lian manán nian iha Ita-nia fatin reuniaun nian.+
Iha neʼebá mak sira tau ona sira-nia sinál.
5 Sira hanesan mane neʼebé tesi ai-hun sira iha ai-laran boot ho baliu.
6 Ho sira-nia baliu no besi-lolon, sira harahun ona buat hotu neʼebé bahat tiha+ iha Ita-nia fatin reuniaun nian.
7 Sira sunu Ita-nia fatin sagradu.+
Sira hafoʼer tenda santu neʼebé lori Ita-nia naran, sira soe neʼe ba rai.
8 Sira no sira-nia bei-oan hanoin iha sira-nia laran, hodi dehan:
“Maromak nia fatin reuniaun nian hotu* iha rai neʼe tenke sunu tiha.”
9 La iha sinál ba ami atu haree;
La iha tan profeta ida,
No ami ida mós la hatene neʼe sei kontinua toʼo bainhira.
10 Oh Maromak, toʼo bainhira mak inimigu sei kontinua sadik Ita?+
Inimigu sei la hatudu respeitu nafatin ba Ita-nia naran ka?+
11 Tanbasá mak Ita hanetik Ita-nia liman-loos?+
Hasai Ita-nia liman husi bolsu neʼebé iha Ita-nia hirus-matan* no halakon tiha sira.
12 Maibé Maromak mak haʼu-nia Liurai horiuluk kedas,
Ida neʼebé salva ninia povu iha rai.+
13 Ho Ita-nia kbiit Ita halo tasi siʼak;+
Ita baku rahun animál boot sira-nia ulun iha tasi laran.
14 Ita harahun animál boot* sira-nia ulun iha tasi laran;
Ita fó neʼe nuʼudar ai-han ba povu, ba sira neʼebé hela iha rai-maran.
15 Ita loke rai atu halo bee-matan no mota sira bele suli sai;+
Ita hamaran mota sira neʼebé sempre suli.+
16 Ita mak halo loron no kalan.
Ita halo naroman no loro-matan.+
18 Oh Jeová, hanoin-hetan inimigu nia liafuan sadik,
Keta haluha oinsá ema beik la hatudu respeitu ba Ita-nia naran.+
19 Keta entrega Ita-nia manu-lakateu nia moris ba animál fuik sira.
Keta haluha ba nafatin Ita-nia povu nia moris neʼebé iha terus laran.
20 Hanoin-hetan Ita-nia aliansa ho ami,
Tanba fatin sira neʼebé nakukun iha rai sai ona hela-fatin ba ema neʼebé halo violénsia.
21 Haʼu harohan katak ema neʼebé hetan susar labele fila ho laran-triste;+
Haʼu harohan katak ema kiʼik no kiak hahiʼi Ita-nia naran.+
22 Oh Maromak, hamriik bá, no defende Ita-nia kazu.
Hanoin-hetan kona-ba oinsá ema beik sira sadik Ita loron tomak.+
23 Keta haluha liafuan neʼebé Ita-nia inimigu sira dehan.
Lian barullu husi sira neʼebé sadik Ita saʼe beibeik ba leten.