Salmo
Ba dirijente: Ho melodia Jitit.* Kora nia oan-mane sira-nia knananuk.+
84 Oh Jeová neʼebé ukun tropa lalehan nian,
Haʼu hadomi tebes Ita-nia tenda santu neʼebé kmanek!+
2 Haʼu hakarak tebes,
Sin, haʼu sai fraku tanba hakarak tebes,
Haʼu-nia isin no haʼu-nia laran haklalak ho haksolok ba Maromak neʼebé moris.
3 Manu sira mós hetan ona hela-fatin iha Ita-nia uma
No manu-andoriña halo knuuk ba nia an,
Hodi tau matan ba ninia oan sira
Besik Ita-nia altár kmanek, oh Jeová neʼebé ukun tropa lalehan nian,
Haʼu-nia Liurai no haʼu-nia Maromak!
4 Ksolok ba ema neʼebé hela iha Ita-nia uma!+
Sira kontinua hahiʼi Ita.+ (Sela)
5 Ksolok ba ema neʼebé hetan kbiit husi Ita,+
No sira-nia laran hakarak atu laʼo iha dalan ba Ita-nia uma.
6 Bainhira sira laʼo liu Rai-Tetuk Baka,*
Sira haree fatin neʼe hanesan mota ida;
7 Sira sei laʼo no sira-nia forsa aumenta ba beibeik;+
Sira ida-idak hamriik iha Maromak nia oin iha Siaun.
8 Oh Jeová, Maromak neʼebé ukun tropa lalehan nian, rona haʼu-nia orasaun;
Rona bá, oh Jacob nia Maromak. (Sela)
10 Tanba loron ida iha Ita-nia pátiu mak diʼak liu fali loron rihun ida iha fatin seluk!+
Haʼu hili atu hamriik iha odamatan iha haʼu-nia Maromak nia uma
Duké hela iha ema aat sira-nia tenda.
11 Tanba Maromak Jeová mak ami-nia loro-matan+ no ami-nia eskudu;+
Nia mak hatudu laran-diʼak no fó glória.
12 Oh Jeová neʼebé ukun tropa lalehan nian,
Ksolok ba ema neʼebé tau fiar ba Ita.+