Salmo
Ba dirijente: Knananuk neʼe atu akompaña ho instrumentu neʼebé iha talin. David nia knananuk.
4 Oh haʼu-nia Maromak neʼebé iha hahalok loos,+ hatán mai haʼu bainhira haʼu bolu Ita.
Loke dalan atu haʼu bele halai* husi haʼu-nia susar sira.
Hatudu laran-sadiʼa mai haʼu no rona haʼu-nia orasaun.
2 Imi ema sira, toʼo bainhira mak imi la hatudu respeitu ba haʼu?*
Toʼo bainhira mak imi sei hadomi buat neʼebé folin-laek no buka buat neʼebé falsu? (Sela)
3 Hatene bá katak Jeová sei hafolin tebes ema neʼebé laran-metin ba nia;*
Jeová sei rona bainhira haʼu bolu nia.
4 Se imi sai hirus, keta halo sala.+
Hanoin deʼit iha imi-nia laran, iha imi-nia toba-fatin, no toba nonook deʼit. (Sela)
6 Ema barak dehan: “Sé mak sei fó buat diʼak ba ita?”
Oh Jeová, husik nabilan husi Ita-nia oin fó naroman ba ami.+