Salmo
Ba dirijente. David nia knananuk.
13 Oh Jeová, toʼo bainhira mak Ita sei haluha haʼu? Ba nafatin ka?
Toʼo bainhira mak Ita sei subar Ita-nia oin husi haʼu?+
2 Haʼu sente laran-triste loron ba loron,
Toʼo bainhira mak haʼu tenke kontinua laran-taridu?
Toʼo bainhira mak haʼu-nia inimigu sei domina haʼu?+
3 Oh Jeová, haʼu-nia Maromak, hateke haʼu no hatán mai haʼu.
Fó naroman ba haʼu-nia matan, atu nuneʼe haʼu labele mate,*
4 Hodi nuneʼe, haʼu-nia inimigu sei la dehan: “Haʼu manán ona nia!”
Keta husik sira neʼebé kontra haʼu sente haksolok tanba haʼu monu ba susar.+
5 Kona-ba haʼu, haʼu tau fiar ba Ita-nia domin neʼebé laran-metin;+
Haʼu-nia laran sei haksolok tanba salvasaun husi Ita.+
6 Haʼu sei kanta ba Jeová, tanba nia fó kolen boot mai haʼu.*+