Primeiru Krónikas

27 Tuirmai neʼe mak grupu husi tropa Izraél neʼebé halo serbisu ba liurai.+ Grupu sira-neʼe inklui ulun-naʼin sira ba sira-nia umakain, xefe ba tropa naʼin-1.000 no xefe ba tropa naʼin-100,+ no mós xefe sira neʼebé tau matan ba grupu sira-neʼe. Grupu ida-idak troka malu fulan-fulan durante tinan tomak, no grupu ida-idak iha mane naʼin-24.000.

2 Xefe neʼebé tau matan ba grupu primeiru neʼebé halo serbisu iha fulan-primeiru mak Zabdiel nia oan-mane Jasobeam+ no ninia grupu iha mane naʼin-24.000. 3 Jasobeam mak husi Peres nia jerasaun,+ nia mak ulun-naʼin ba xefe tropa hotu neʼebé simu knaar atu halo serbisu iha fulan-primeiru. 4 Xefe neʼebé tau matan ba grupu segundu neʼebé halo serbisu iha fulan-segundu mak Dodai,*+ ema Ahohi,+ no Miklot mak ulun-naʼin, no ninia grupu iha mane naʼin-24.000. 5 Xefe neʼebé tau matan ba grupu terseiru neʼebé halo serbisu iha fulan-terseiru mak Benaias,+ amlulik boot Jeoada+ nia oan-mane, no ninia grupu iha mane naʼin-24.000. 6 Benaias mak asuwaʼin ida husi sira naʼin-30 nia leet no nia mak sira-nia xefe, no ninia oan-mane Amizabad mak tau matan ba ninia grupu. 7 Xefe ba grupu haat neʼebé halo serbisu iha fulan-haat mak Joab nia alin+ Asael,+ no tuirmai mak ninia oan-mane Zebadias, no ninia grupu iha mane naʼin-24.000. 8 Xefe ba grupu lima neʼebé halo serbisu iha fulan-lima mak Samut ema Izra, no ninia grupu iha mane naʼin-24.000. 9 Xefe ba grupu neen neʼebé halo serbisu iha fulan-neen mak Ira,+ Ikes ema Tekoa+ nia oan-mane, no ninia grupu iha mane naʼin-24.000. 10 Xefe ba grupu hitu neʼebé halo serbisu iha fulan-hitu mak Helez+ ema Pelonit husi suku Efraim, no ninia grupu iha mane naʼin-24.000. 11 Xefe ba grupu ualu neʼebé halo serbisu iha fulan-ualu mak Sibekai+ ema Husa husi Zerá nia jerasaun,+ no ninia grupu iha mane naʼin-24.000. 12 Xefe ba grupu sia neʼebé halo serbisu iha fulan-sia mak Abi-Ezer+ ema Anatot+ husi suku Benjamim, no ninia grupu iha mane naʼin-24.000. 13 Xefe ba grupu sanulu neʼebé halo serbisu iha fulan-sanulu mak Maarai+ ema Netofa husi Zerá nia jerasaun,+ no ninia grupu iha mane naʼin-24.000. 14 Xefe ba grupu sanulu-resin-ida neʼebé halo serbisu iha fulan sanulu-resin-ida mak Benaias+ ema Piraton husi suku Efraim, no ninia grupu iha mane naʼin-24.000. 15 Xefe ba grupu sanulu-resin-rua neʼebé halo serbisu iha fulan sanulu-resin-rua mak Heldai ema Netofa husi Otniel nia jerasaun, no ninia grupu iha mane naʼin-24.000.

16 Tuirmai neʼe mak ulun-naʼin ba Izraél nia suku sira: ulun-naʼin ba suku Ruben mak Zikri nia oan-mane Eliezer; ulun-naʼin ba suku Simeão mak Maaka nia oan-mane Sefatias; 17 ulun-naʼin ba suku Levi mak Kemuel nia oan-mane Hasabias; ulun-naʼin ba Arão nia umakain mak Zadoc; 18 ulun-naʼin ba suku Judá mak David nia maun Eliú;+ ulun-naʼin ba suku Issacar mak Micael nia oan-mane Onri; 19 ulun-naʼin ba suku Zebulão mak Obadias nia oan-mane Ismaias; ulun-naʼin ba suku Naftali mak Azriel nia oan-mane Jerimot; 20 ulun-naʼin ba suku Efraim mak Azazias nia oan-mane Oseias; ulun-naʼin ba suku Manasés nia sorin balu mak Pedaias nia oan-mane Joel; 21 ulun-naʼin ba suku Manasés nia sorin balu iha Gilead mak Zacarias nia oan-mane Ido; ulun-naʼin ba suku Benjamim mak Abner+ nia oan-mane Jaasiel; 22 no ulun-naʼin ba suku Dan mak Jeroam nia oan-mane Azarel. Sira mak ulun-naʼin ba Izraél nia suku sira.

23 David la sura ema sira neʼebé tinan 20 ba kraik, tanba Jeová promete ona atu halo ema Izraél sai barak hanesan fitun iha lalehan.+ 24 Antes neʼe Zeruia nia oan-mane Joab komesa atu sura ema Izraél, maibé nia la halo toʼo hotu; no Maromak sai hirus hasoru ema Izraél tanba sira sura ema Izraél,+ no númeru ba ema Izraél la hakerek iha livru istória kona-ba Liurai David nia tempu.

25 Ema neʼebé tau matan ba liurai nia rikusoin+ mak Adiel nia oan-mane Azmavet. No Uzias nia oan-mane Jonatan mak tau matan ba armazén iha toʼos, iha sidade sira, iha knua sira, no iha uma aas* sira. 26 Kelub nia oan-mane Ezri mak tau matan ba serbisu-naʼin sira neʼebé halo toʼos. 27 Simei ema Ramá mak tau matan ba toʼos-uvas; Zabdi ema Sifmot mak tau matan ba uvas-fuan sira neʼebé uza atu halo tua. 28 Baal-Hanan ema Geder mak tau matan ba toʼos-oliveira no toʼos ai-sikómoru*+ iha área Sefela;+ Joas mak tau matan ba mina. 29 Sitrai ema Saron+ mak tau matan ba karau-lubun neʼebé iha Saron, no Adlai nia oan-mane Safat mak tau matan ba karau-lubun neʼebé iha rai-tetuk. 30 Obil ema Ismael mak tau matan ba kuda-kamelu sira; Jedeias ema Meronot mak tau matan ba kuda-burru sira.* 31 Jazis ema Agar mak tau matan ba bibi-lubun. Sira hotu mak xefe neʼebé tau matan ba Liurai David nia sasán sira.

32 David nia sobriñu Jonatan+ mak konsellu-naʼin no sekretáriu, mane neʼebé iha kbiit atu komprende, no Hakmoni nia oan-mane Jeiel mak tau matan ba liurai nia oan-mane sira.+ 33 Ahitofel+ mak liurai nia konsellu-naʼin, no Husai+ ema Arki mak liurai nia belun. 34 Konsellu-naʼin depois Ahitofel mak Benaias+ nia oan-mane Jeoada, no mós Abiatar;+ no Joab+ mak xefe ba liurai nia tropa.