Job
25 Bildad+ ema Suá hatán, hodi dehan:
2 “Ukun no forsa neʼebé halo taʼuk mak ninian,
Nia harii dame iha lalehan.
3 Ninia tropa sira bele sura ka lae?
Ba sé mak nia la fó ninia naroman?
4 Entaun, oinsá mak ema bele sai ema loos iha Maromak nia oin?+
5 Ba nia, fulan deʼit mós la naroman
No fitun sira mós la moos,
6 Sá tan ho ema neʼebé hanesan ular-oan deʼit,
No oan-mane husi ema, neʼebé hanesan ular kiʼik!”