Primeiru Krónikas
16 Entaun, sira lori Maromak loos nia Arka no tau iha tenda neʼebé David harii ona ba Arka neʼe,+ no sira hasaʼe sakrifísiu sunu nian no sakrifísiu dame nian iha Maromak loos nia oin.+ 2 Bainhira David remata hasaʼe sakrifísiu sunu nian+ no sakrifísiu dame nian,+ nia haraik bensaun ba povu hodi Jeová nia naran. 3 Depois neʼe, David fahe ai-han tuirmai neʼe ba ema Izraél hotu, katak ba mane no feto ida-idak: paun kabuar fuan ida, dose ida husi ai-palmeira fuan no dose ida husi uvas-maran. 4 Tuirmai nia hili ema Levi balu atu halo serbisu iha Jeová nia Arka oin,+ atu fó hahiʼi,* fó agradese no fó glória ba Jeová, Izraél nia Maromak. 5 Asaf+ mak ulun-naʼin, tuir nia mak Zacarias. Jeiel, Semiramot, Jeiel, Matitias, Eliab, Benaias, Obed-Edom no Jeiel+ mak toka instrumentu neʼebé iha talin no arpa;+ no Asaf mak baku simbala.+ 6 Amlulik Benaias no amlulik Jaaziel mak huu trombeta iha Maromak loos nia Arka Aliansa oin.
7 Iha loron neʼe mak dala primeiru neʼebé David halo knananuk hahiʼi nian ba Jeová, no haruka Asaf+ ho ninia maun-alin sira atu kanta:
10 Koʼalia ho orgullu kona-ba ninia naran neʼebé santu.+
Haksolok bá sira neʼebé buka Jeová.+
11 Buka Jeová+ no husu nia atu fó kbiit.
12 Hanoin-hetan hahalok furak sira neʼebé nia halo ona,+
Ninia milagre no desizaun sira neʼebé nia fó sai ona,
13 Imi, ninia atan Izraél nia bei-oan sira,+
Imi Jacob nia oan-mane sira, povu neʼebé nia hili ona.+
14 Nia mak Jeová, ita-nia Maromak.+
Ninia desizaun sira kona mundu tomak.+
15 Hanoin-hetan ninia aliansa ba nafatin,
Promesa neʼebé nia halo ona, toʼo jerasaun rihun ida,+
16 Aliansa neʼebé nia halo ona ho Abraão,+
No juramentu neʼebé nia halo ona ho Isaac,+
17 Neʼebé nia halo metin ona nuʼudar lei ba Jacob+
No nuʼudar aliansa ba nafatin ho Izraél,
18 Hodi dehan: ‘Haʼu sei fó rai-Kanaan ba ó+
Nuʼudar liman-rohan neʼebé haʼu fahe ona ba imi.’+
19 Iha tempu neʼebá sira* mak ema uitoan deʼit,
Sin, uitoan loos, no sira hela nuʼudar ema estranjeiru iha rai neʼe.+
20 Sira laʼo husi nasaun ida ba nasaun seluk,
Husi rai ida ba rai seluk.+
21 Nia la husik ema ida atu hanehan sira,+
Maibé tanba sira mak nia korrije liurai sira,+
22 Hodi dehan: ‘Keta book ema sira neʼebé haʼu hili* ona,
No keta halo aat ba haʼu-nia profeta sira.’+
23 Oh mundu tomak, kanta ba Jeová!
Loroloron fó sai kona-ba salvasaun husi nia!+
24 Fó sai ninia glória iha nasaun sira-nia leet,
Fó sai ninia hahalok furak sira iha povu hotu nia leet.
25 Tanba Jeová mak boot liu no merese duni atu simu hahiʼi.
Nia kmanek liu fali* maromak sira hotu.+
26 Povu seluk nia maromak sira hotu mak maromak folin-laek,+
Maibé Jeová mak ida neʼebé kria lalehan.+
28 Oh imi família sira husi nasaun hotu, fó hahiʼi ba Jeová,
Fó hahiʼi ba Jeová tanba nia iha glória no kbiit.+
Hakruʼuk ba* Jeová hodi uza roupa neʼebé santu.*+
30 Nakdedar iha ninia oin, oh mundu tomak!
Mundu harii metin ona, neʼe labele muda.*+
31 Husik lalehan haksolok no husik rai kontente bá;+
Haklaken iha nasaun sira-nia leet, hodi dehan: ‘Jeová sai ona Liurai!’+
32 Husik tasi no mós buat hotu neʼebé iha tasi laran fó hahiʼi ba nia,
Husik rai-luan sira no buat hotu neʼebé iha rai-luan haksolok bá.
33 No iha tempu hanesan, husik ai-hun hotu iha ai-laran haklalak ho haksolok iha Jeová nia oin,
Tanba nia mai daudaun* atu tesi-lia ba mundu.
35 No dehan bá: ‘Oh ami-nia Maromak neʼebé fó salvasaun, salva ami,+
No halibur fali ami no salva ami husi nasaun sira-nia leet,
Atu nuneʼe ami bele fó agradese ba Ita-nia naran santu+
36 Fó hahiʼi ba Jeová, Izraél nia Maromak,
Fó hahiʼi ba nafatin.’”
No povu hotu dehan: “Amen!”* no sira fó hahiʼi ba Jeová.
37 Tuirmai David husik Asaf+ no ninia maun-alin sira iha Jeová nia Arka Aliansa oin atu kontinua serbí iha Arka oin,+ hodi halo serbisu loroloron nian.+ 38 Nia mós husik Obed-Edom no ninia maun-alin sira naʼin-68 iha neʼebá. Nia fó knaar ba Jedutum nia oan-mane Obed-Edom no Hosa atu hein portaun sira. 39 No amlulik Zadoc+ ho ninia maluk amlulik sira seluk halo serbisu iha Jeová nia tenda santu nia oin iha fatin aas iha Gibeão+ 40 atu hasaʼe beibeik sakrifísiu sunu nian ba Jeová iha altár leten,* dadeer no kalan, no atu halo tuir buat hotu neʼebé hakerek ona iha Ukun-Fuan neʼebé Jeová haruka ema Izraél atu halo.+ 41 Hamutuk ho sira mak Heman no Jedutum+ no mane hotu neʼebé hili ona atu fó agradese ba Jeová,+ tanba “ninia domin neʼebé laran-metin iha ba nafatin”,+ 42 hamutuk ho sira mak Heman+ no Jedutum atu huu trombeta, baku simbala no toka instrumentu sira neʼebé uza atu hahiʼi* Maromak loos; no Jedutum nia oan-mane sira+ mak tau matan ba portaun. 43 Depois neʼe, povu hotu fila fali ba sira-nia uma, no David mós fila fali ba ninia uma hodi fó bensaun ba ninia umakain rasik.