Salmo
Maskil.* David nia orasaun bainhira nia iha fatuk-kuak nia laran.+
142 Ho haʼu-nia lian, haʼu bolu Jeová atu husu ajuda;+
Ho haʼu-nia lian, haʼu harohan ba Jeová atu nia hatudu laran-sadiʼa mai haʼu.
2 Haʼu fakar sai haʼu-nia laran-susar iha ninia oin;
Haʼu fó sai haʼu-nia terus iha ninia oin+
3 Bainhira haʼu-nia laran* la iha kbiit.
Iha tempu neʼe, Ita haree didiʼak haʼu-nia dalan.+
Sira tau lasu ida mai haʼu,
Iha dalan neʼebé haʼu laʼo liu.
La iha fatin ida ba haʼu atu bele halai sees;+
La iha ema ida mak hanoin haʼu.
5 Oh Jeová, haʼu bolu Ita atu husu ajuda.
Haʼu dehan: “Ita mak haʼu-nia fatin protesaun,+
Iha ema moris nia leet, Ita deʼit mak haʼu-nia esperansa.”*
6 See tilun didiʼak ba haʼu-nia halerik atu husu ajuda,
Tanba haʼu iha susar boot nia laran.
Salva haʼu husi sira neʼebé haterus haʼu,+
Tanba sira forte liu fali haʼu.
7 Lori haʼu sai husi komarka
Atu haʼu bele hahiʼi Ita-nia naran.
Haʼu hein katak ema laran-loos sira halibur hamutuk haleʼu haʼu
Tanba Ita hatudu laran-diʼak mai haʼu.