Salmo
Maskil* husi Zerá nia bei-oan Etan.+
89 Haʼu sei kontinua kanta knananuk kona-ba Jeová nia domin neʼebé laran-metin.
Haʼu-nia ibun sei fó sai ba jerasaun hotu kona-ba Ita-nia laran-metin.
2 Haʼu dehan ona: “Domin neʼebé laran-metin sei dura ba nafatin,+
No Ita-nia laran-metin, metin nafatin iha lalehan.”
3 Ita-Boot dehan: “Haʼu halo tiha aliansa ida ho ema neʼebé haʼu hili ona;+
Haʼu jura ona ba haʼu-nia atan David, hodi dehan:+
4 ‘Haʼu sei halo ó-nia bei-oan hamriik metin+ ba nafatin,
No haʼu sei hametin ó-nia kadunan ba jerasaun hotu.’”+ (Sela)
5 Oh Jeová, lalehan hahiʼi Ita-nia kmanek,
Sin, santu sira nuʼudar kongregasaun sei hahiʼi Ita-nia laran-metin.
6 Tanba iha lalehan sé mak hanesan ho Jeová?+
No entre Maromak nia oan-mane sira,+ sé mak hanesan ho Jeová?
7 Santu sira nuʼudar grupu hatudu respeitu kleʼan ba Maromak;+
Nia mak boot no kmanek tebes ba* sira hotu neʼebé haleʼu nia.+
8 Oh Jeová, Maromak neʼebé ukun tropa lalehan nian,
Sé mak kbiit boot hanesan Ita, oh Jah?+
Ita-nia laran-metin mak haleʼu Ita.+
10 Ita harahun ona Raab+ no oho tiha nia.+
Ho Ita-nia liman neʼebé forte Ita halo namkari tiha Ita-nia inimigu sira.+
14 Hahalok loos no justisa mak hun ba Ita-nia kadunan;+
15 Ksolok ba povu neʼebé hahiʼi Ita ho lian haklalak haksolok nian.+
Oh Jeová, sira laʼo iha naroman neʼebé sai husi Ita-nia oin.
16 Loron tomak sira haksolok tanba Ita-nia naran,
No sira hetan hahiʼi tanba Ita-nia hahalok loos.
17 Ita mak sira-nia glória no sira-nia kbiit,+
18 Tanba ami-nia eskudu mak husi Jeová,
Izraél nia Maromak neʼebé Santu fó ona liurai ba ami.+
19 Iha tempu neʼebá Ita koʼalia liuhusi vizaun ida ba Ita-nia ema neʼebé laran-metin no dehan:
“Haʼu fó ona kbiit ba asuwaʼin ida;+
Haʼu hiʼit aas ona ema ida neʼebé haʼu hili husi povu nia leet.+
21 Haʼu-nia liman sei apoia nia,+
No haʼu-nia liman sei hametin nia.
24 Haʼu-nia laran-metin no domin boot* mak hamutuk ho nia,+
No tanba haʼu-nia naran mak ninia kbiit sei aumenta.*
26 Nia sei bolu haʼu, hodi dehan: ‘Ita mak haʼu-nia Aman,
Haʼu-nia Maromak no Fatuk Boot neʼebé salva haʼu.’+
28 Haʼu sei hatudu nafatin domin neʼebé laran-metin ba nia,+
No haʼu-nia aliansa ho nia sei hela ba nafatin.+
29 Haʼu sei halo ninia bei-oan hamriik metin ba nafatin
No haʼu sei halo ninia kadunan iha ba nafatin hanesan lalehan.+
30 Se ninia oan-mane sira husik tiha haʼu-nia lei
No la laʼo tuir haʼu-nia desizaun* sira,
31 Se sira kontra haʼu-nia ukun-fuan
No la kumpre haʼu-nia mandamentu sira,
32 Entaun haʼu sei fó kastigu ba sira-nia hahalok kontra hodi uza rota+
No fó kastigu ba sira-nia sala hodi baku sira.
33 Maibé haʼu sei nunka husik haʼu-nia domin neʼebé laran-metin ba nia+
No nunka husik hela haʼu-nia promesa.*
35 Nuʼudar Maromak neʼebé santu, haʼu jura ona dala ida deʼit ba nafatin;
Haʼu sei la koʼalia bosok ba David.+
36 Ninia bei-oan sei iha ba nafatin;+
Ninia kadunan sei iha ba nafatin hanesan loro-matan iha haʼu-nia oin.+
37 Ninia kadunan sei metin nafatin hanesan fulan,
Neʼebé nuʼudar sasin laran-metin iha lalehan.” (Sela)
39 Ita hakribi aliansa neʼebé Ita halo ho Ita-nia atan;
Ita hafoʼer ninia koroa hodi soe neʼe ba rai.
40 Ita harahun tiha ninia moru fatuk hotu;*
Ita baku rahun ona ninia moru neʼebé metin.
41 Ema hotu neʼebé laʼo liu hadau tiha ninia sasán sira;
Ninia viziñu sira hatún no hakribi nia.+
43 Ita halo ninia surik sai folin-laek,
No Ita la husik nia atu manán iha funu.
44 Ita halo nia lakon ninia glória
No Ita soe tiha ninia kadunan ba rai.
45 Ita habadak ninia tempu joven;*
Ita taka nia ho moe. (Sela)
46 Oh Jeová, toʼo bainhira mak Ita sei subar an? Ba nafatin ka?+
Ita-nia hirus sei kontinua lakan hanesan ahi ka?
47 Hanoin-hetan bá katak haʼu-nia moris neʼe badak deʼit!+
Ita kria ema hotu saugati deʼit ka?
48 Ema ida-neʼebé mak bele moris no nunka haree mate?+
Nia bele salva nia an* husi rate nia kbiit* ka lae? (Sela)
49 Oh Jeová, domin* neʼebé Ita hatudu iha tempu uluk iha neʼebé?
Ho laran-metin Ita jura ona ba David kona-ba domin neʼe.+
50 Oh Jeová, hanoin-hetan bá liafuan sadik neʼebé ema koʼalia ba Ita-nia atan sira;
No oinsá haʼu tenke tahan* liafuan sadik husi nasaun hotu;
51 Oh Jeová, hanoin-hetan bá oinsá Ita-nia inimigu sira koʼalia aat;
No oinsá sira koʼalia aat kona-ba hakat ida-idak husi ema neʼebé Ita hili* ona.
52 Fó hahiʼi nafatin ba Jeová. Amen no Amen.+