Salmo
Ba dirijente. David nia knananuk.
139 Oh Jeová, Ita buka-hatene didiʼak ona haʼu, no Ita hatene haʼu.+
2 Ita hatene kuandu haʼu tuur no kuandu haʼu hamriik.+
Ita hatene haʼu-nia hanoin sira husi dook.+
3 Ita haree* haʼu kuandu haʼu laʼo no kuandu haʼu toba;
Ita hatene ho didiʼak haʼu-nia dalan sira hotu.+
4 Antes haʼu-nia nanál fó sai liafuan ida,
Oh Jeová, Ita hatene didiʼak ona.+
5 Ita haleʼu haʼu husi oin no husi kotuk;
No Ita tau Ita-nia liman ba haʼu.
6 Ita hatene didiʼak haʼu, no neʼe kmanek tebes toʼo haʼu labele komprende.
Neʼe aas liu toʼo haʼu labele kaer.*+
7 Haʼu sei halai bá neʼebé, atu hasees an husi Ita-nia espíritu?
No haʼu bele halai bá neʼebé, hodi subar husi Ita-nia oin?+
8 Se haʼu saʼe ba lalehan, Ita iha neʼebá,
No se haʼu halo haʼu-nia kama iha rate,* Ita mós iha neʼebá.+
9 Se haʼu uza rai naroman nia liras sira atu semo dook tiha
Hodi hela iha tasi sorin neʼebé dook tebes,
10 Iha neʼebá mós Ita-nia liman sei dirije haʼu
No Ita-nia liman-loos sei kaer metin haʼu.+
11 Se karik haʼu dehan: “Nakukun iha kalan sei subar duni haʼu!”
Depois neʼe, nakukun neʼebé haleʼu haʼu sei sai fali naroman.
12 Maski nakukun, maibé ba Ita, neʼe la nakukun demais,
Kalan mak hanesan deʼit loron neʼebé naroman loos;+
Ba Ita, nakukun hanesan deʼit ho naroman.+
14 Haʼu hahiʼi Ita tanba Ita halo haʼu iha dalan neʼebé kmanek.+
Buat sira neʼebé Ita halo mak furak tebes,+
Haʼu hatene didiʼak kona-ba neʼe.
15 Haʼu-nia ruin sira labele subar husi Ita
Bainhira Ita halo haʼu iha fatin segredu,
16 Ita-nia matan haree ona haʼu iha haʼu-nia inan nia knotak;*
Antes haʼu-nia isin parte ida-idak iha,
Ita hakerek ona parte hotu neʼe iha Ita-nia livru
Kona-ba loron sira bainhira Ita halo parte ida-idak.
17 Entaun, ba haʼu, Ita-nia hanoin sira mak folin-boot tebes!+
Oh Maromak, Ita-nia hanoin sira mak barak tebes!+
18 Se haʼu koko atu sura, neʼe barak liu fali rai-henek iha tasi.+
Bainhira haʼu hadeer, haʼu sura nafatin.*+
19 Oh Maromak, se karik Ita oho tiha ema aat,+
Entaun ema neʼebé hakarak halo violénsia* sei husik tiha haʼu,
20 Sira neʼebé koʼalia kontra Ita ho hanoin neʼebé aat,*
Sira mak Ita-nia inimigu, sira temi Ita-nia naran iha dalan neʼebé la respeitu.+
21 Oh Jeová, haʼu odi sira neʼebé odi Ita,+ loos ka lae?
No haʼu hakribi sira neʼebé kontra Ita,+ loos ka lae?
22 Haʼu odi tebes sira;+
Sira sai ona haʼu-nia inimigu.
23 Oh Maromak, buka-hatene didiʼak haʼu bá no hatene haʼu-nia laran.+