Salmo
David nia knananuk.
28 Oh Jeová, haʼu-nia Fatuk Boot,+ haʼu kontinua bolu Ita;
Keta taka Ita-nia tilun ba haʼu.
2 Favór ida, rona haʼu-nia harohan bainhira haʼu halerik hodi husu ajuda
Nuʼudar haʼu foti saʼe haʼu-nia liman ba Fatin Santu Liu Hotu* iha Ita-nia fatin sagradu.+
3 Keta halakon* haʼu hamutuk ho ema aat, hamutuk ho sira neʼebé halo buat aat,+
Sira neʼebé koʼalia liafuan dame nian ho sira-nia maluk maibé sira-nia laran nakonu ho hanoin aat.+
4 Selu fali ba sira tanba sira-nia hahalok,+
Tuir sira-nia hahalok aat.
Selu fali ba sira tanba buat neʼebé sira halo ho sira-nia liman,
Tuir buat neʼebé sira halo ona.+
5 Tanba sira la hanoin kona-ba Jeová nia hahalok sira,+
No la hanoin kona-ba serbisu neʼebé nia halo ho ninia liman.+
Nia sei harahun sira, no nia sei la apoia* sira.
6 Fó hahiʼi ba Jeová,
Tanba nia rona ona haʼu-nia harohan hodi husu ajuda.
Haʼu simu ona ninia ajuda, no haʼu-nia laran haksolok,
Tan neʼe haʼu sei hahiʼi nia ho haʼu-nia knananuk.
8 Jeová mak ninia povu nia kbiit;
Nia mak fatin seguru, nia lori salvasaun boot ba ema neʼebé nia hili* ona.+
9 Salva Ita-nia povu bá, no haraik bensaun ba Ita-nia liman-rohan.+
Sai sira-nia bibi-atan no koʼus sira iha Ita-nia liman ba nafatin.+