Primeiru Krónikas

4 Judá nia oan-mane sira mak Peres,+ Hezron,+ Karmi, Hur+ no Sobal.+ 2 Sobal nia oan-mane mak Reaias, Reaias nia oan-mane mak Jaat, Jaat nia oan-mane sira mak Ahumai no Lahad. Sira mak ema Zorat+ nia família. 3 Etam+ nia aman* nia oan-mane sira mak tuirmai neʼe: Jezreel, Isma, Idbas (no sira-nia feton mak Hazelelponi), 4 no Penuel neʼebé mak Gedor nia aman, no mós Ezer neʼebé mak Husa nia aman. Sira mak Hur+ nia jerasaun. Hur mak Efrata nia oan-mane primeiru no Belein+ nia aman. 5 Tekoa+ nia aman Axur+ iha feen naʼin-rua, Ela no Naara. 6 Ninia feen Naara tuur-ahi Ahuzam, Hefer, Temeni no Hastari. Sira mak Naara nia oan-mane. 7 No Ela nia oan-mane sira mak Zeret, Izar no Etnan. 8 Koz nia oan-mane sira mak Anub no Zobeba. Koz mós sai beiʼala ba Arel nia família sira. Arel nia aman mak Harum.

9 Ema hatudu respeitu kleʼan ba Jabez liu fali ninia maun-alin sira. Ninia inan hanaran nia Jabez,* tanba ninia inan dehan: “Haʼu tuur-ahi ba nia ho moras boot.” 10 Jabez harohan ba Izraél nia Maromak, hodi dehan: “Haʼu hein katak Ita sei haraik bensaun ba haʼu, halo luan haʼu-nia rai, no Ita-nia liman nafatin hamutuk ho haʼu hodi hasees haʼu husi susar, atu nuneʼe haʼu la hetan terus!” Entaun Maromak hatán buat neʼebé nia husu.

11 Suá nia maun Kelub nia oan-mane mak Mehir. Mehir mak Eston nia aman. 12 Eston nia oan-mane sira mak Bet-Rafa, Pasea no Teina. Teina mak Ir-Naas nia aman. Sira mak ema Reka. 13 Kenaz nia oan-mane sira mak Otniel+ no Seraias, no Otniel nia oan-mane* mak Hatat. 14 Meonotai nia oan-mane mak Ofra. Seraias nia oan-mane mak Joab. Joab sai aman ba ema neʼebé hela iha fatin neʼebé hanaran Ge-Harasim,* tanba ema neʼebé hela iha neʼebá mak badaen.

15 Jefuné nia oan-mane Caleb+ nia oan-mane sira mak Iru, Elá no Naam. Elá nia oan-mane* mak Kenaz. 16 Jealelel nia oan-mane sira mak Zif, Zifa, Tiria no Asarel. 17 Ezra nia oan-mane sira mak Jeter, Mered, Efer no Jalon. Feto neʼe* sai isin-rua no tuur-ahi Miriam, Samai no Isba. Isba mak Estemoa nia aman. 18 Sira mak Faraó* nia oan-feto Bitia nia oan-mane sira. Bitia mak Mered nia feen. Mered nia feen ida seluk neʼebé ema Judeu tuur-ahi Jered, Heber no Jekutiel. Jered nia oan-mane mak Gedor. Heber nia oan-mane mak Soko no Jekutiel nia oan-mane mak Zanoa.

19 Naam nia feton mak Hodias nia feen, no Hodias nia oan-mane sira mak sai nuʼudar aman ba Keila ema Garmi, no ba Estemoa ema Maakat. 20 Simão nia oan-mane sira mak Amnon, Rina, Ben-Hanan no Tilon. Isi nia oan-mane sira mak Zohet no Ben-Zohet.

21 Judá nia oan-mane Selá+ nia oan-mane sira mak Er no Laada. Er mak Leka nia aman. Laada mak Maresa nia aman. Selá nia jerasaun inklui mós família sira husi umakain Asbea neʼebé iha matenek atu soru hena diʼak. 22 Selá nia jerasaun seluk mak Jokim, ema neʼebé hela iha Kozeba, Joas no Saraf neʼebé hola feto Moab nuʼudar feen, no mós Jasubi-Lehem. Lista ba naran sira-neʼe mak husi tempu uluk kedas.* 23 Sira mak badaen rai-mean neʼebé hela iha Netaim no Gedera. Sira hela iha neʼebá no serbisu ba liurai.

24 Simeão+ nia oan-mane sira mak Nemuel, Jamin, Jarib, Zerá no Saul.+ 25 Saul nia oan-mane mak Salum, Salum nia oan-mane mak Mibsam, Mibsam nia oan-mane mak Misma. 26 Misma nia oan-mane mak Hamuel, Hamuel nia oan-mane mak Zakur, Zakur nia oan-mane mak Simei. 27 Simei iha oan-mane naʼin-16 no oan-feto naʼin-6. Maibé ninia maun-alin sira la iha oan-mane barak, no sira-nia família ida mós la iha oan barak hanesan Judá nia família.+ 28 Sira hela iha Beer-Seba,+ Molada,+ Hazar-Sual,+ 29 Bila, Ezem,+ Tolad, 30 Betuel,+ Horma,+ Ziklag,+ 31 Bet-Markabot, Hazar-Susim,+ Bet-Biri no Saraim. Neʼe mak sira-nia sidade toʼo tempu neʼebé Liurai David ukun.

32 Sira-nia hela-fatin hamutuk sidade lima, neʼe mak Etam, Aim, Rimon, Token no Asan,+ 33 hamutuk ho knua sira hotu neʼebé haleʼu sidade sira-neʼe toʼo Baal. Neʼe mak naran sira iha lista tuir sira-nia liña jerasaun no fatin neʼebé sira hela. 34 Simeão nia jerasaun seluk mak Mesobab, Jamlec, Amazias nia oan-mane Josa, 35 Joel, no Josibias nia oan-mane Jeú. Josibias nia aman mak Seraias, Seraias nia aman mak Asiel. 36 No iha mós Elioenai, Jakoba, Jesoais, Asaias, Adiel, Jesimiel, Benaias, 37 no Sifi nia oan-mane Ziza. Sifi nia aman mak Alon, Alon nia aman mak Jedaias, Jedaias nia aman mak Sinri, no Sinri nia aman mak Semaias. 38 Mane sira-neʼe nia naran hakerek iha lista tanba sira mak ulun-naʼin ba sira-nia família, no sira-nia beiʼala nia umakain kontinua aumenta boot liután. 39 Sira bá fatin atu tama Gedor, bá rai-tetuk nia sorin parte leste, hodi buka fatin ba sira-nia bibi-lubun atu bele han duʼut. 40 Ikusmai sira hetan fatin diʼak neʼebé iha duʼut matak barak, no rai neʼe luan, hakmatek no la iha problema. Uluk ema Ham+ sira mak hela iha fatin neʼe. 41 Iha tempu neʼebé Liurai Ezequias+ mak ukun rai-Judá, ema sira neʼebé naran hakerek iha lista neʼe mai no harahun ema Ham nia tenda no ema Meunim neʼebé iha neʼebá. Sira halakon ema sira-neʼe toʼo ohin loron no sira hela fali iha ema sira-neʼe nia fatin tanba iha neʼebá iha duʼut barak ba sira-nia bibi-lubun.

42 Ema Simeão balu, hamutuk mane naʼin-500, laʼo ba Foho Seir+ hamutuk ho Isi nia oan-mane Pelatias, Nearias, Refaias no Uziel; no Isi nia oan-mane sira-neʼe mak dirije sira. 43 Sira halakon ema Amalec+ restu neʼebé uluk halai mai iha fatin neʼe, no sira hela fali iha neʼebá toʼo ohin loron.