Salmo
135 Fó hahiʼi ba Jah!*
Hahiʼi Jeová nia naran;
Hahiʼi Jeová, oh imi ninia atan sira,+
2 Imi neʼebé hamriik iha Jeová nia uma,
3 Fó hahiʼi ba Jah, tanba Jeová mak diʼak.+
Kanta knananuk hahiʼi nian* ba ninia naran, tanba neʼe mak diʼak.
5 Tanba haʼu hatene ho didiʼak katak Jeová mak boot liu;
Ita-nia Naʼi mak boot liu fali maromak sira seluk hotu.+
6 Jeová halo buat hotu neʼebé nia hakarak atu halo+
Iha lalehan no rai, iha tasi no bee kleʼan hotu.
7 Nia halo kalohan* sira saʼe husi rai neʼebé dook tebes;
Nia hamosu rai-lakan ho* udan;
Nia lori sai anin husi ninia armazén sira.+
8 Nia oho oan primeiru sira iha rai-Ejitu,
Ema nia oan primeiru no mós animál nia oan primeiru.+
10 Nia halakon nasaun barak+
No oho liurai sira neʼebé forte;+
11 Liurai sira-neʼe mak Sihon, ema Amoreu nia liurai,+
Liurai Og husi Basan+
No ukun hotu iha rai-Kanaan.
12 Nia entrega sira-nia rai nuʼudar liman-rohan
Ba ninia povu Izraél.+
13 Oh Jeová, Ita-nia naran iha ba nafatin.
Oh Jeová, Ita-nia naran-boot iha ba jerasaun hotu.+
16 Estátua sira-neʼe iha ibun, maibé labele koʼalia;+
Sira iha matan, maibé labele haree;
17 Sira iha tilun, maibé labele rona.
No la iha iis iha sira-nia ibun.+
18 Ema neʼebé halo estátua sira-neʼe sei sai hanesan sira,+
Nuneʼe mós ho ema hotu neʼebé tau fiar ba estátua sira-neʼe.+
19 Oh umakain Izraél, fó hahiʼi ba Jeová.
Oh umakain Arão, fó hahiʼi ba Jeová.
20 Oh umakain Levi, fó hahiʼi ba Jeová.+
Imi neʼebé hamtaʼuk Jeová, fó hahiʼi ba Jeová.
Fó hahiʼi ba Jah!+