Salmo
LIVRU KINTU
(Salmo 107-150)
2 Husik sira neʼebé Jeová sosa fali ona koʼalia liafuan sira-neʼe,
Sira neʼebé nia salva ona husi inimigu nia liman,*+
3 Neʼebé nia halibur fali ona husi nasaun sira-nia leet,+
Husi parte leste no parte oeste,*
Husi parte norte no parte súl.+
4 Sira laʼo-lemo iha rai-fuik, sin, iha rai-fuik maran;
Sira la hetan dalan atu bá sidade neʼebé sira bele hela bá.
5 Sira hamlaha no hamrook;
Sira sai fraku tanba kole tebes.
8 Husik povu sira fó agradese ba Jeová+ tanba ninia domin neʼebé laran-metin
No tanba buat furak neʼebé nia halo ba ema.+
10 Ema balu hela iha fatin neʼebé nakukun tebes,
Sira sai ema dadur neʼebé hetan terus no kesi ho korrente.
11 Tanba sira kontra Maromak nia liafuan;
Sira la hafolin konsellu husi Maromak neʼebé Aas Liu Hotu.+
12 Entaun nia halo sira sai haraik an liuhusi terus;+
Sira sidi, no la iha ema ida mak ajuda sira.
13 Sira bolu Jeová atu husu ajuda bainhira iha terus laran;
No nia salva sira husi sira-nia terus.
14 Nia lori sira sai husi fatin neʼebé nakukun tebes,
No nia tesi kotu tiha korrente neʼebé kesi metin sira.+
15 Husik povu sira fó agradese ba Jeová tanba ninia domin neʼebé laran-metin+
No tanba buat furak neʼebé nia halo ba ema.
16 Tanba nia harahun ona portaun husi riti
No tesi tiha besi-lolon neʼebé xave portaun sira.+
18 Sira la iha hakarak atu han buat ida;
Sira hakbesik ba portaun mate nian.
19 Sira sempre bolu Jeová atu husu ajuda bainhira iha terus laran;
No nia salva sira husi sira-nia terus.
20 Nia hatoʼo ninia liafuan no nia kura sira+
No salva sira husi rai-kuak neʼebé sira monu ona iha laran.
21 Husik povu sira fó agradese ba Jeová tanba ninia domin neʼebé laran-metin
No tanba buat furak neʼebé nia halo ba ema.
22 Husik sira fó agradese nuʼudar sakrifísiu+
No fó sai ninia hahalok sira ho haklalak haksolok nian.
23 Ema sira neʼebé halo viajen ho ró iha tasi,
Neʼebé halo negósiu iha tasi luan,+
24 Sira haree ona Jeová nia hahalok furak sira,
No haree buat kmanek neʼebé nia halo iha tasi.+
25 Sira haree oinsá ninia liafuan halo anin-fuik mosu,+
No hiʼit saʼe tasi nia laloran.
26 Laloran hiʼit saʼe tiha ema sira-neʼe ba leten;
No sira tun fali ba tasi laran.
Sira lakon aten-brani tanba perigu boot atu kona sira.
27 Sira hamriik la metin no laʼo namlele bá-mai hanesan ema neʼebé lanu,
No sira-nia matenek hotu la iha folin.+
28 Tuirmai sira halerik ba Jeová bainhira iha terus laran;+
No nia salva sira husi sira-nia terus.
29 Nia halo anin-fuik hakmatek;
Tasi nia laloran sira mós sai kalma.+
30 Sira haksolok tanba buat hotu sai hakmatek,
No nia dirije sira ba ponte-kais neʼebé sira hakarak atu bá.
31 Husik povu sira fó agradese ba Jeová tanba ninia domin neʼebé laran-metin
No tanba buat furak neʼebé nia halo ba ema.+
32 Husik sira hahiʼi nia iha kongregasaun nia leet,+
No husik sira hahiʼi nia iha grupu katuas sira-nia leet.*
33 Nia halo mota sira sai fali rai-fuik maran
No bee-matan sira sai fali rai neʼebé maran-dekor.+
34 Nia halo rai-bokur sai fali rai masin neʼebé la iha ai-horis ida,+
Tanba hahalok aat husi ema neʼebé hela iha laran.
35 Nia halo rai-fuik maran sai fali kolan,
No rai-maran sai fali bee-matan.+
36 Nia lori ema neʼebé hamlaha hodi hela iha neʼebá,+
Atu nuneʼe sira bele harii sidade ida neʼebé sira bele hela bá.+
38 Nia haraik bensaun ba sira no sira sai barak loos;
Nia la husik sira-nia animál-hakiak ida lakon.+
39 Maibé dala ida tan, sira sai uitoan deʼit no sai moe
Tanba ema hanehan sira, fó susar, no halo sira triste.
40 Nia hamoe ema-boot sira
No halo sira laʼo-lemo iha rai-fuik neʼebé la iha dalan.+