Salmo
Ba dirijente: Tuir melodia Labele Harahun Haʼu. David nia knananuk. Miktam.* Bainhira Saul haruka ema sira bá hafuhu David iha ninia uma atu oho nia.+
59 Oh haʼu-nia Maromak, salva haʼu husi haʼu-nia inimigu sira;+
Proteje haʼu husi sira neʼebé hamriik hodi ataka haʼu.+
2 Salva haʼu husi ema neʼebé halo hahalok aat,
No salva haʼu husi ema neʼebé halo violénsia.*
3 Sira hein subasubar atu ataka haʼu;+
Mane sira neʼebé forte ataka haʼu
Maibé neʼe laʼós tanba haʼu kontra ka halo ona sala,+ oh Jeová.
4 Maski haʼu la halo sala, maibé sira prepara lalais atu ataka haʼu.
Hamriik bá kuandu haʼu bolu no hateke mai haʼu.
5 Tanba Ita, oh Jeová, Maromak neʼebé ukun tropa lalehan nian, Ita mak Izraél nia Maromak.+
Hadeer bá hodi haree didiʼak nasaun sira hotu nia hahalok.
Keta hatudu laran-sadiʼa ba traidór sira neʼebé laran-aat.+ (Sela)
7 Rona bá, liafuan aat neʼebé suli sai husi sira-nia ibun;
Sira-nia ibun mak hanesan surik,+
Tanba sira dehan: “Sé mak rona?”+
9 Oh haʼu-nia Maromak, Ita mak haʼu-nia Kbiit, haʼu sei hein nafatin ba Ita;+
10 Maromak neʼebé hatudu domin ho laran-metin ba haʼu sei mai atu ajuda haʼu;+
Maromak sei halo haʼu haree haʼu-nia inimigu sira lakon.+
11 Keta oho sira, atu nuneʼe haʼu-nia povu labele haluha buat neʼebé Ita halo ona.
Ho Ita-nia kbiit, halo sira laʼo-lemo;
Oh Jeová, ami-nia eskudu, halo sira monu.+
12 Haʼu hein katak sira-nia hahalok foti an mak halo sira monu ba lasu,+
Tanba sira halo sala liuhusi sira-nia liafuan,*
No tanba malisan no lia-bosok neʼebé sira fó sai.
13 Halakon tiha sira ho Ita-nia laran-nakali;+
Halakon tiha sira, atu sira la iha tan;
Halo sira hatene katak Maromak mak ukun daudaun Jacob no ukun rai hotu iha mundu tomak.+ (Sela)
15 Husik sira laʼo bá-mai hodi buka buat ruma atu han;+
Keta husik sira sai bosu ka hetan hela-fatin.
16 Maibé ba haʼu, haʼu sei kanta kona-ba Ita-nia kbiit;+
Iha dadeer haʼu sei haksolok atu konta kona-ba Ita-nia domin neʼebé laran-metin.