Deuteronómio
33 Tuirmai neʼe mak bensaun neʼebé Moisés, Maromak loos nia atan, fó sai ba ema Izraél antes nia mate.+ 2 Nia dehan:
“Jeová mai husi Sinai,+
Nia nabilan iha sira-nia leten husi Seir.
Nia nabilan ho glória husi área foho nian iha Paran,+
No anju santu sira rihun ba rihun mak hamutuk ho nia,+
Ninia funu-naʼin sira iha ninia liman-loos.+
4 Moisés fó mandamentu ida ba povu,* sin, fó ukun-fuan ida,+
Neʼebé sai nuʼudar liman-rohan ba Jacob nia kongregasaun.+
5 No Maromak sai liurai iha Jesurun*+
Iha tempu neʼebé povu nia ulun-naʼin sira halibur hamutuk,+
Sira hamutuk ho Izraél nia suku hotu.+
7 No nia fó bensaun tuirmai neʼe ba Judá:+
“Oh Jeová, rona ba Judá nia lian,+
No haʼu harohan katak Ita sei lori fali nia ba ninia povu.
Ninia liman defende ona buat neʼebé ninian,
No haʼu harohan katak Ita ajuda nia atu funu hasoru ninia inimigu sira.”+
8 Kona-ba Levi, nia dehan:+
“Ita-nia* Tumim no Urim*+ entrega ona ba ema neʼebé laran-metin ba Ita,+
Ida neʼebé Ita koko iha Massá.+
Ita hahú diskute malu ho nia besik bee Meribá nian,+
9 Ema Levi neʼebé dehan ba ninia inan-aman: ‘Haʼu la hafolin imi.’
Nia mós la simu ninia maun-alin sira,+
No nia la apoia ninia oan-mane rasik.
Tanba nia halo tuir Ita-nia liafuan,
No nia kumpre Ita-nia aliansa.+
10 Haʼu hein katak sira sei hanorin Jacob kona-ba Ita-nia lei sira+
No hanorin Izraél kona-ba Ita-nia Ukun-Fuan.+
Haʼu hein katak sira sei hasaʼe insensu nuʼudar buat morin ba Ita*+
No hasaʼe sakrifísiu neʼebé tomak iha Ita-nia altár.+
11 Oh Jeová, haraik bensaun ba ninia forsa,
Haksolok bá ho serbisu husi ninia liman.
Favór ida, harahun ain* husi ema neʼebé ataka nia,
Atu nuneʼe sira neʼebé odi nia labele tan atu ataka nia.”
12 Kona-ba Benjamim, nia dehan:+
“Haʼu harohan katak ida neʼebé Jeová hadomi sei hela ho hakmatek besik nia,*
Nuʼudar Benjamim* hamahon nia loron tomak,
Nia sei hela entre Benjamim* nia kabaas sira.”
13 Kona-ba José, nia dehan:+
“Haʼu harohan katak Jeová sei haraik bensaun ba ninia rai+
Hodi fó buat neʼebé diʼak liu husi lalehan,
Hodi fó mahobeen no bee neʼebé suli sai husi rai-okos,+
14 Hodi fó buat diʼak liu neʼebé loro-matan halo moris
No ai-han diʼak liu neʼebé nia koʼa fulan-fulan husi ninia toʼos,+
15 Hodi fó buat diʼak liu hotu husi foho antigu sira*+
No buat diʼak husi foho-oan sira neʼebé hamriik nafatin,
16 Hodi fó buat neʼebé diʼak liu husi rai no rai nia rikusoin hotu,+
No haʼu harohan katak Ida neʼebé uluk mosu iha ai-hun tarak nia leet+ simu nia.
Bensaun sira-neʼe sei tun ba José nia ulun leten,
Sin, ulun leten husi ida neʼebé hili ona husi ninia maun-alin sira-nia leet.+
17 Ninia kmanek mak hanesan kmanek husi karau-oan primeiru,
No ninia dikur mak hanesan dikur husi karau-aman fuik.
Ho ninia dikur mak nia sei dudu* ema
Ba rai hotu iha mundu tomak.
Sira mak ema rihun ba rihun husi Efraim,+
No sira mak ema rihun ba rihun husi Manasés.”
18 Kona-ba Zebulão, nia dehan:+
“Haksolok bá, oh Zebulão, kuandu ó halo viajen sira;
Kona-ba ó, Issacar, haksolok bá iha ó-nia tenda sira.+
19 Sira sei bolu povu ba foho neʼe.
Iha neʼebá mak sira sei hasaʼe sakrifísiu hahalok loos nian.
Tanba sira sei foti rikusoin barak* husi tasi
No rikusoin neʼebé subar iha rai-henek laran.”
20 Kona-ba Gad, nia dehan:+
“Bensaun ba ida neʼebé halo luan Gad nia baliza.+
Nia latan iha neʼebá hanesan leaun ida,
Prontu atu lees vítima nia liman no mós ulun.
21 Nia sei hili parte primeiru ba ninia an,+
Tanba ida neʼebé fó ukun-fuan mak rai hela parte neʼe ba nia.+
Povu nia ulun-naʼin sira sei halibur hamutuk.
Nia sei halaʼo buat neʼebé loos hodi reprezenta Jeová,
No kumpre ninia desizaun sira ba Izraél.”
22 Kona-ba Dan, nia dehan:+
“Dan mak leaun-oan ida.+
Nia sei haksoit sai husi Basan.”+
23 Kona-ba Naftali, nia dehan:+
“Naftali sai kontente tanba Jeová simu nia
No haraik bensaun barak ba nia.
Laʼo bá hodi foti rai husi parte oeste no súl.”
24 Kona-ba Aser, nia dehan:+
“Aser sei simu bensaun hodi iha oan-mane barak.
Ninia maun-alin sira sei gosta liu nia,
No nia sei hatama* ninia ain iha mina.
25 Besi no riti mak sai xave ba ó-nia portaun sira,+
No ó sei moris hakmatek iha ó-nia loron tomak.
26 La iha ida mak hanesan Jesurun+ nia Maromak loos,+
Ida neʼebé hakat liu lalehan hodi ajuda ó,
Ida neʼebé saʼe kalohan hodi mai ho ninia kmanek boot.+
27 Maromak mak fatin protesaun nian husi tempu antigu,+
Ninia liman neʼebé iha ba nafatin mak apoia ó.+
28 Izraél sei hela ho hakmatek,
No Jacob nia bee-matan sei seguru
Iha rai neʼebé iha ai-han no tua-uvas foun,+
No lalehan sei suli ho mahobeen.+
29 Ksolok ba imi, oh ema Izraél!+