Salmo

6 Oh Jeová, keta fó dixiplina ba haʼu ho hirus,

No keta korrije haʼu ho laran-nakali.+

 3 Sin, haʼu neon-susar tebetebes,+

No haʼu husu Ita, oh Jeová, Ita sei hein toʼo bainhira?+

 4 Oh Jeová, fila mai no salva haʼu;+

Salva haʼu tanba Ita-nia domin neʼebé laran-metin.+

 5 Tanba ema mate sira labele temi* tan Ita;

No iha rate* laran, sé mak sei fó hahiʼi ba Ita?+

 6 Haʼu halerik toʼo sai kole loos;+

Kalan tomak haʼu-nia matan-been habokon haʼu-nia kama;*

No haʼu-nia toba-fatin mout ona ho matan-been.+

 7 Haʼu-nia matan sai kole ona tanba haʼu triste;+

Haʼu-nia matan malahuk ona* tanba ema hotu neʼebé halo aat ba haʼu.

 8 Sees tiha husi haʼu, imi hotu neʼebé halo hahalok aat,

Tanba Jeová sei rona ba haʼu-nia lian tanis.+

 9 Jeová sei rona haʼu bainhira haʼu harohan hodi husu ninia laran-sadiʼa;+

Jeová sei hatán ba haʼu-nia orasaun.

10 Haʼu-nia inimigu hotu sei hetan moe boot no laran-taridu;

Derrepente deʼit sira sei hakiduk ho moe.+