Primeiru Krónikas

26 Grupu neʼebé serbí nuʼudar guarda atu hein portaun+ mak tuirmai neʼe: husi Kora nia jerasaun mak Kori nia oan-mane Meselemias,+ Asaf nia bei-oan. 2 Meselemias nia oan-mane sira mak tuirmai neʼe: oan-mane primeiru mak Zacarias, segundu mak Jediael, terseiru mak Zebadias, haat mak Jatniel, 3 lima mak Elam, neen mak Jeoanan, no hitu mak Elioenai. 4 Obed-Edom nia oan-mane sira mak tuirmai neʼe: oan-mane primeiru mak Semaias, segundu mak Jeozabad, terseiru mak Joá, haat mak Sakar, lima mak Netanel, 5 neen mak Amiel, hitu mak Issacar, no ualu mak Peuletai. Nuneʼe mak Maromak haraik bensaun ba Obed-Edom.

6 Obed-Edom nia oan-mane Semaias nia oan-mane sira mak ulun-naʼin ba sira-nia umakain, tanba sira mak mane neʼebé kbiit boot no matenek. 7 Semaias nia oan-mane sira mak tuirmai neʼe: Otni, Refael, Obed no Elzabad. Elzabad nia maun-alin Eliú ho Semakias mós mane neʼebé matenek. 8 Sira hotu mak Obed-Edom nia oan-mane. Sira ho sira-nia oan-mane no sira-nia família mak mane neʼebé matenek no kumpre kritéria hodi halo serbisu, sira hamutuk naʼin-62 husi Obed-Edom nia umakain. 9 Meselemias+ nia oan-mane sira no ninia família, hamutuk naʼin-18, sira mak mane neʼebé matenek. 10 Merari nia jerasaun Hosa iha oan-mane sira. Hosa nia oan-mane Sinri mak ulun-naʼin. Maski Sinri laʼós oan-mane primeiru, maibé ninia aman foti nia nuʼudar ulun-naʼin, 11 segundu mak Hilquias, terseiru mak Tebalias, no haat mak Zacarias. Hosa nia oan-mane sira no ninia família hamutuk naʼin-13.

12 Ulun-naʼin husi grupu neʼebé serbí nuʼudar guarda atu hein portaun, simu knaar neʼebé hanesan ho sira-nia maun-alin sira atu serbí iha Jeová nia uma. 13 Entaun sira hotu, maski sira-nia umakain mak kiʼik ka boot, sira dada sorteiu*+ hodi bele fahe knaar atu hein portaun hotu. 14 Hodi tuir rezultadu husi dada sorteiu, Selemias hein portaun iha parte leste. Kona-ba Selemias nia oan-mane Zacarias neʼebé serbí nuʼudar konsellu-naʼin neʼebé matenek, nia simu knaar hodi tuir sinál husi Maromak atu hein portaun iha sorin parte norte. 15 Obed-Edom hein portaun iha parte súl, no ninia oan-mane sira+ simu knaar atu hein armazén sira. 16 Supim no Hosa+ hein portaun iha parte oeste, besik Portaun Saleket besik dalan boot neʼebé saʼe ba leten, guarda grupu ida forma hateke malu ho guarda grupu seluk. 17 Ema Levi naʼin-neen hein portaun iha parte leste, no loroloron iha guarda naʼin-haat hein portaun iha parte norte no naʼin-haat hein portaun iha parte súl. No guarda naʼin-rua hamriik iha guarda naʼin-rua seluk nia sorin hodi hein armazén sira.+ 18 Guarda naʼin-haat hein iha dalan boot+ besik pórtiku* iha parte oeste, no guarda naʼin-rua tan hein iha pórtiku. 19 Neʼe mak grupu husi Kora nia jerasaun no Merari nia jerasaun neʼebé serbí nuʼudar guarda hodi hein portaun.

20 Kona-ba ema Levi sira, Ahias simu knaar atu tau matan ba osan-fatin iha Maromak loos nia uma no fatin atu rai sasán sira neʼebé halo santu ona.*+ 21 Husi Ladan nia oan-mane sira, neʼe katak husi Gerson nia jerasaun, Jeieli+ mak ulun-naʼin ida ba umakain sira husi Ladan nia jerasaun. 22 Jeieli nia oan-mane sira mak Zetam no Joel. Sira tau matan ba osan-fatin iha Jeová nia uma.+ 23 Ema neʼebé reprezenta ema Amram, ema Izar, ema Hebron no ema Uziel+ 24 mak Gerson nia oan-mane Sebuel, Moisés nia bei-oan, ulun-naʼin neʼebé tau matan ba armazén sira. 25 Ninia maun-alin sira husi Eliezer+ nia jerasaun mak Reabias,+ Jesaias, Joram, Zikri no Selomot. 26 Selomot neʼe ho ninia maun-alin sira tau matan ba fatin hotu neʼebé rai sasán santu sira,+ sasán sira neʼebé Liurai David,+ hamutuk ho ulun-naʼin sira ba sira-nia umakain,+ xefe ba tropa naʼin-1.000 no xefe ba tropa naʼin-100, no xefe tropa nian sira halo santu ona. 27 Sira halo santu sasán sira neʼebé foti+ husi funu,+ hodi uza ba Jeová nia uma, 28 no mós sasán hotu neʼebé konsellu-naʼin* Samuel,+ Kis nia oan-mane Saul, Ner nia oan-mane Abner,+ no Zeruia+ nia oan-mane Joab+ halo santu ona. Selomit* ho ninia maun-alin sira mak tau matan ba sasán hotu neʼebé halo santu ona.

29 Husi Izar nia jerasaun+ mak Kenanias ho ninia oan-mane sira, sira simu knaar iha Maromak nia uma liʼur nuʼudar xefe no juís+ iha Izraél.

30 Husi Hebron nia jerasaun+ mak Hasabias ho ninia maun-alin naʼin-1.700, sira mak mane neʼebé matenek, sira halaʼo knaar iha Mota Jordaun nia sorin parte oeste hodi halo Jeová nia serbisu hotu no liurai nia serbisu iha Izraél. 31 Ulun-naʼin ba ema Hebron mak Jerias+ tuir liña jerasaun husi sira-nia aman nia umakain. Iha tinan 40 husi David nia ukun nuʼudar liurai,+ David nia ema balu buka mane neʼebé kbiit boot no matenek iha ema Hebron nia leet, no hetan sira iha Jazer+ iha Gilead. 32 No Jerias nia maun-alin sira neʼebé matenek hamutuk naʼin-2.700, sira mak ulun-naʼin ba sira-nia umakain. Ho ida-neʼe, Liurai David fó knaar ba sira atu tau matan ba suku Ruben, suku Gad, no suku Manasés nia sorin balu, atu halo serbisu hotu ba Maromak neʼebé loos no ba liurai.