Ageu
2 Iha loron 21 fulan-hitu, Jeová fó sai liafuan liuhusi profeta Ageu,+ hodi dehan: 2 “Favór ida, husu toʼok Sealtiel nia oan-mane Zorobabel,+ neʼebé serbí nuʼudar governadór iha rai-Judá,+ no Jeozadak+ nia oan-mane Josué,+ neʼebé serbí nuʼudar amlulik boot, no mós povu hotu: 3 ‘Iha imi-nia leet, sé mak uluk haree ona uma* neʼe nia glória?+ Uma neʼe agora haree oinsá? Uma neʼe ladún furak se kompara ho ida uluk, loos ka lae?’+
4 “Jeová dehan: ‘Oh Zorobabel, sai forte bá. Oh amlulik boot Josué, Jeozadak nia oan-mane, sai forte bá.’
“Jeová dehan: ‘Oh povu hotu iha rai neʼe, sai forte+ no halo serbisu bá.’
“Jeová neʼebé ukun tropa lalehan nian, dehan: ‘Tanba haʼu hamutuk ho imi.+ 5 Hanoin-hetan buat neʼebé haʼu promete ona ba imi bainhira imi sai husi rai-Ejitu,+ no agora haʼu-nia espíritu sei hela iha imi-nia leet.*+ Keta taʼuk.’”+
6 “Tanba Jeová neʼebé ukun tropa lalehan nian dehan nuneʼe: ‘Lakleur tan haʼu sei doko lalehan, rai, tasi no rai-maran dala ida tan.’+
7 “Jeová neʼebé ukun tropa lalehan nian dehan: ‘Haʼu sei doko nasaun hotu, no buat folin-boot hotu* husi nasaun sira sei tama iha uma neʼe.+ No haʼu sei halo nakonu uma neʼe ho glória.’+
8 “Jeová neʼebé ukun tropa lalehan nian dehan: ‘Osan-mutin no osan-mean mak haʼu-nian.’
9 “Jeová neʼebé ukun tropa lalehan nian dehan: ‘Iha futuru, uma neʼe nia glória sei sai boot liu fali ida uluk nian.’+
“Jeová neʼebé ukun tropa lalehan nian dehan: ‘No haʼu sei haraik dame ba fatin neʼe.’”+
10 Iha loron 24 fulan-sia tinan segundu husi Dário nia ukun, Jeová fó sai liafuan ba profeta Ageu,+ hodi dehan: 11 “Jeová neʼebé ukun tropa lalehan nian dehan nuneʼe: ‘Favór ida, husu toʼok ba amlulik sira kona-ba ukun-fuan:+ 12 “Se mane ida lori naʼan santu* iha ninia roupa, no roupa neʼe kona paun ka sopa ka tua-uvas ka mina ka ai-han ruma, neʼe sei sai santu ka lae?”’”
Amlulik sira hatán: “Lae!”
13 Tuirmai Ageu husu: “Se ema ida neʼebé sai la moos ona tanba kona mate-isin* no kona fali ai-han sira-neʼe ida, ai-han neʼe sei sai la moos, loos ka lae?”+
Amlulik sira hatán: “Loos, neʼe sai la moos.”
14 Entaun, Ageu hatete: “Jeová dehan: ‘Iha haʼu-nia oin, povu no nasaun neʼe mak hanesan neʼe duni, no sira-nia serbisu hotu mós hanesan neʼe. Buat hotu neʼebé sira hasaʼe nuʼudar sakrifísiu mak la moos.’
15 “‘Maibé agora, favór ida, hanoin didiʼak kona-ba* neʼe husi ohin ba oin: Hanoin didiʼak saida mak akontese antes ema hada fatuk ida iha fatuk ida seluk nia leten iha Jeová nia templu.+ 16 Iha tempu neʼebá, bainhira ema ida hakarak trigu bote 20, nia hetan deʼit bote 10. No bainhira ema ida hakarak tua-uvas iha tua-fatin 50, nia hetan deʼit 20.+ 17 Haʼu halo aat ba imi-nia serbisu hotu, ho anin neʼebé manas loos, kulapur,+ no jelu-fatuk neʼebé estraga ai-horis sira, maibé imi ida mós la fila fali ba haʼu’, Jeová mak dehan.
18 “‘Favór ida, hanoin didiʼak kona-ba* neʼe husi ohin ba oin, husi loron 24 fulan-sia, husi loron neʼebé ema tau fundasaun ba Jeová nia templu.+ Hanoin didiʼak kona-ba neʼe: 19 Imi-nia armazén sei iha fini ka lae?+ Uvas-hun, ai-figeira hun, romaun-hun no ai-oliveira hun seidauk fó fuan, loos ka lae? Husi ohin ba oin, haʼu sei haraik bensaun ba imi.’”+
20 Iha loron 24 iha fulan neʼe, ba dala segundu Jeová fó sai ninia liafuan ba Ageu,+ hodi dehan: 21 “Hatete ba Zorobabel, governadór iha rai-Judá: ‘Haʼu sei doko lalehan no rai.+ 22 Haʼu sei harahun liurai sira-nia kadunan no halakon nasaun sira-nia kbiit atu ukun.+ Haʼu sei harahun kuda-karreta ho tropa sira neʼebé saʼe kuda-karreta sira-neʼe. Kuda ho tropa neʼebé saʼe kuda sei mate, sira ida-idak sei oho malu ho surik.’”+
23 “Jeová neʼebé ukun tropa lalehan nian dehan: ‘Iha loron neʼebá haʼu sei fó knaar ba ó, haʼu-nia atan Zorobabel,+ Sealtiel+ nia oan-mane’, Jeová dehan, ‘no haʼu sei halo ó sai hanesan kadeli selus,* tanba ó mak ema neʼebé haʼu hili ona’, Jeová neʼebé ukun tropa lalehan nian mak dehan.”