Salmo

143 Oh Jeová, rona haʼu-nia orasaun;+

Rona haʼu-nia harohan atu husu ajuda.

 2 Keta foti kazu hasoru Ita-nia atan,

Tanba la iha ema moris ida mak bele sai ema loos iha Ita-nia oin.+

 3 Inimigu duni tuir haʼu;

Nia sama haʼu* toʼo rabat rai.

 4 Haʼu-nia kbiit* lakon ona;+

Haʼu-nia laran la sente tan buat ida.+

 5 Haʼu hanoin-hetan tempu uluk;

Haʼu hanoin kleʼan kona-ba Ita-nia hahalok hotu;+

Haʼu gosta hanoin didiʼak* kona-ba serbisu neʼebé Ita halo ho Ita-nia liman.

 6 Haʼu loke liman hodi harohan ba Ita;

Haʼu hanesan rai-maran neʼebé hamrook ba Ita.+ (Sela)

 7 Oh Jeová, hatán lalais haʼu;+

Haʼu-nia kbiit* lakon ona.+

Keta subar Ita-nia oin husi haʼu,+

Se lae, haʼu sei sai hanesan ema sira neʼebé tun ba rate.*+

 8 Husik haʼu rona kona-ba Ita-nia domin neʼebé laran-metin iha dadeer,

Tanba haʼu tau fiar ba Ita.

Halo haʼu hatene dalan neʼebé haʼu tenke laʼo bá,+

Tanba haʼu sadere ba Ita.

10 Hanorin haʼu atu halo tuir Ita-nia hakarak,+

Tanba Ita mak haʼu-nia Maromak.

Ita-nia espíritu mak diʼak;

Haʼu hein katak espíritu neʼe dirije haʼu iha rai neʼebé tetuk.*

12 Halakon* tiha haʼu-nia inimigu sira+ tanba Ita-nia domin neʼebé laran-metin;

Halakon tiha sira hotu neʼebé halo aat haʼu,+

Tanba haʼu mak Ita-nia atan.+