Salmo
Ba dirijente: Tuir melodia Bibi-Rusa Inan Rai Naroman nian.* David nia knananuk.
22 Haʼu-nia Maromak, haʼu-nia Maromak, tanbasá mak Ita husik hela haʼu?+
Tanbasá mak Ita la mai atu salva haʼu?
Tanbasá mak Ita la rona haʼu-nia halerik tanba neon-susar?+
2 Haʼu-nia Maromak, loroloron haʼu kontinua bolu Ita;
No kalan-kalan haʼu la nonook deʼit, maibé Ita la hatán haʼu.+
5 Sira halerik ba Ita atu husu ajuda, no sira hetan duni salvasaun;
6 Maibé ema hatún haʼu no hakribi haʼu,+
Hanesan haʼu mak ular kiʼik deʼit, laʼós ema.
8 “Nia tau fiar ba Maromak Jeová. Husik Maromak salva nia!
Husik Maromak salva nia, tanba Maromak hadomi tebes nia!”+
9 Ita mak lori haʼu sai husi haʼu-nia inan nia knotak,+
Ita mak halo haʼu sente seguru iha haʼu-nia inan nia hirus-matan.
10 Ita mak tau matan ba haʼu husi loron neʼebé haʼu moris mai;
Ita sai ona haʼu-nia Maromak husi tempu neʼebé haʼu iha haʼu-nia inan nia knotak.
13 Sira loke sira-nia ibun luan atu ataka haʼu,+
Hanesan leaun neʼebé hasai lian no lees ninia vítima ba pedasuk.+
14 Haʼu hanesan bee neʼebé ema fakar sai ona;
Haʼu-nia ruin hotu naksalak ona.
15 Haʼu-nia kbiit sai maran ona hanesan sanan-rai rohan ida;+
Haʼu-nia nanál belit ba haʼu-nia ibun laran;+
Ita lori haʼu tun ba rai-kuak atu mate.+
16 Ema aat lubun mai rabat haʼu,+
Haʼu-nia inimigu haleʼu haʼu hanesan asu;+
Sira ataka haʼu-nia liman no ain hanesan leaun.+
17 Haʼu bele sura haʼu-nia ruin hotu.+
Sira haree no hateke mai haʼu.
19 Maibé oh Jeová, keta hadook an nafatin husi haʼu.+
Ita mak haʼu-nia kbiit, favór ida, ajuda haʼu lalais.+
20 Salva haʼu husi surik,
Salva haʼu-nia moris neʼebé folin-boot husi asu nia ain-kukun.*+
21 Salva haʼu husi leaun nia ibun+ no husi karau-aman fuik sira-nia dikur;
Hatán haʼu no salva haʼu bá.
23 Imi neʼebé hamtaʼuk Jeová, hahiʼi nia bá!
Imi Jacob nia bei-oan hotu, fó glória ba nia!+
Imi Izraél nia bei-oan hotu, hamriik bá no hatudu respeitu neʼebé kleʼan!
24 Tanba Maromak la hakribi no la taka matan ba terus neʼebé ema ida hasoru;+
Maromak la subar oin husi nia.+
Bainhira nia halerik hodi husu ajuda, Maromak rona nia.+
25 Haʼu sei fó hahiʼi ba Ita iha kongregasaun boot nia leet;+
Haʼu sei kumpre haʼu-nia juramentu iha ema sira-nia oin, katak sira neʼebé hamtaʼuk Ita.
Haʼu harohan katak sira sei moris* ba nafatin.
27 Ema iha mundu tomak sei hanoin-hetan no fila ba Jeová.
Família hotu husi nasaun sira sei hakruʼuk iha Ita-nia oin.+
28 Tanba Jeová mak Liurai;+
Nia ukun nasaun sira.
29 Ema riku hotu iha rai sei han no sei hakruʼuk;
Sira hotu neʼebé mak atu fila ba rai-rahun sei hakneʼak iha ninia oin;
Sira ida mós labele salva sira-nia moris.*
30 Sira-nia bei-oan sei serbí nia;
Jerasaun tuirmai sei rona kona-ba Jeová.
31 Sira sei mai no konta kona-ba ninia hahalok loos.
Sira sei konta ba ema neʼebé atu moris mai kona-ba buat neʼebé nia halo ona.