Salmo
Ba dirijente. Jeová nia atan David nia knananuk. David kanta knananuk neʼe ba Jeová iha loron neʼebé Jeová salva tiha nia husi ninia inimigu hotu nia liman no husi Saul nia liman. Nia hatete:+
18 Oh Jeová, Ita mak haʼu-nia kbiit, haʼu hadomi Ita.+
2 Jeová mak haʼu-nia fatuk boot, haʼu-nia fatin seguru no Maromak neʼebé salva haʼu.+
Haʼu-nia Maromak mak haʼu-nia fatuk boot,+ haʼu buka protesaun husi nia,
Haʼu-nia eskudu no haʼu-nia dikur* salvasaun nian,* haʼu-nia fatin protesaun* neʼebé seguru.+
3 Haʼu bolu Jeová, neʼebé merese simu hahiʼi,
No haʼu sei sai livre husi haʼu-nia inimigu sira.+
6 Haʼu bolu Jeová iha haʼu-nia susar laran,
Haʼu kontinua bolu haʼu-nia Maromak hodi husu ajuda.
7 Tuirmai rai komesa nakdoko;+
Foho sira-nia hun sai nakdedar
No nakdoko bá-mai tanba nia sai hirus ona.+
8 Suar sai husi ninia inus hodi saʼe ba leten,
No ahi-lakan boot sai husi ninia ibun;+
Ahi-klaak lakan sai husi nia.
10 Nia saʼe iha kerubín ida nia liras no semo mai.+
Nia semo tun mai iha anju ida nia liras* leten.+
11 Nia taka nia an ho nakukun,+
Kalohan metan neʼebé hamosu rai-tarutu mak
Haleʼu nia hanesan barraka ida.+
12 Naroman iha ninia oin,
Udan jelu no ahi-klaak lakan tun husi kalohan.
13 Tuirmai Jeová halo rai-tarutu husi lalehan;+
Maromak neʼebé Aas Liu Hotu halo ema rona ninia lian.+
Iha tempu neʼebá udan jelu-fatuk no ahi-klaak lakan tun.
14 Nia hana ninia rama-oan sira no halo haʼu-nia inimigu sira halai namkari;+
Nia hamosu ninia rai-lakan no halo sira runguranga.+
15 Oh Jeová, rai okos hatudu sai tiha tanba Ita-nia liafuan korrije;
Ema bele haree-hetan mota* sira-nia okos,+
Tanba iis neʼebé huu sai husi Ita-nia inus.+
16 Nia lolo tun ninia liman husi fatin aas;
Nia kaer metin haʼu no dada haʼu sai husi bee kleʼan.+
17 Nia salva haʼu husi haʼu-nia inimigu neʼebé forte,+
Husi sira neʼebé odi haʼu, neʼebé forte liu haʼu.+
18 Sira kontra hasoru haʼu iha haʼu-nia loron susar nian,+
Maibé Jeová nafatin apoia haʼu.
20 Jeová fó kolen ba haʼu tuir haʼu-nia hahalok loos;+
21 Tanba haʼu kontinua laʼo tuir Jeová nia dalan sira,
No haʼu la halo hahalok aat hodi husik hela haʼu-nia Maromak.
22 Ninia mandamentu hotu mak iha haʼu-nia oin;
Haʼu sei la haluha ninia ukun-fuan sira.
24 Haʼu hein katak Jeová sei fó kolen ba haʼu tuir haʼu-nia hahalok loos,+
No fó kolen ba haʼu tanba haʼu-nia liman moos* iha ninia oin.+
25 Ita hatudu laran-metin ba ema neʼebé laran-metin;+
Ita hatudu hahalok loos ba ema neʼebé moris ho hahalok loos;+
26 Ita hatudu laran-moos ba ema neʼebé laran-moos.+
Maibé Ita matenek liu fali ema neʼebé lohidór.+
28 Oh Jeová, Ita mak halakan haʼu-nia ahi-oan;
Haʼu-nia Maromak mak troka nakukun neʼebé haleʼu haʼu hodi sai fali naroman.+
29 Ho Ita-nia ajuda, haʼu bele ataka grupu naʼok-teen neʼebé mai kontra hasoru haʼu;+
Ho Maromak nia kbiit, haʼu bele saʼe moru aas ida.+
Nia mak eskudu ba ema hotu neʼebé buka protesaun husi nia.+
31 La iha Maromak seluk, só Jeová deʼit.+
No la iha fatuk boot ida seluk, só ita-nia Maromak deʼit.+
32 Maromak loos mak fó kbiit mai haʼu nuʼudar haʼu-nia hatais,+
No nia sei halo loos haʼu-nia dalan.+
33 Nia halo haʼu-nia ain hanesan bibi-rusa nia ain;
Nia ajuda haʼu hodi bele hamriik iha fatin aas sira.+
34 Nia treinu haʼu-nia liman ba funu;
Haʼu-nia liman bele dada rama neʼebé halo husi riti.
35 Ita fó Ita-nia eskudu salvasaun nian ba haʼu,+
Ita-nia liman-loos apoia haʼu,
No Ita-nia haraik an halo haʼu sai boot.+
37 Haʼu sei duni tuir haʼu-nia inimigu no toman sira;
Haʼu sei la fila fali toʼo haʼu oho sira hotu.
38 Haʼu sei harahun sira toʼo sira labele hamriik fali;+
Sira sei monu iha haʼu-nia ain okos.
41 Sira halerik hodi husu ajuda, maibé la iha ema ida atu salva sira;
Sira mós halerik ba Jeová, maibé nia la hatán ba sira.
42 Haʼu sei fai rahun sira hanesan rai-uut neʼebé anin huu;
Haʼu sei soe sai tiha sira hanesan tahu iha dalan.
43 Ita sei salva haʼu husi povu neʼebé buka deʼit sala.+
Ita sei hili haʼu atu sai nuʼudar ulun ba nasaun sira.+
Povu neʼebé haʼu la koñese sei serbí haʼu.+
44 Istória neʼebé sira rona kona-ba haʼu sei book sira atu halo tuir haʼu;
Ema estranjeiru sira sei mai no hakruʼuk ho taʼuk iha haʼu-nia oin.+
45 Ema estranjeiru sei lakon sira-nia aten-brani;*
Sira sei sai mai ho nakdedar husi sira-nia fatin seguru.
46 Jeová mak Maromak neʼebé moris! Fó hahiʼi ba haʼu-nia Fatuk Boot!+
Fó hahiʼi ba Maromak neʼebé salva haʼu.+
47 Maromak loos mak selu fali haʼu-nia inimigu sira-nia hahalok;+
Nia tau povu sira iha haʼu-nia ain okos;
48 Nia salva haʼu husi haʼu-nia inimigu sira neʼebé hirus;
Oh Naʼi, Ita hiʼit haʼu aas liu fali sira neʼebé ataka haʼu;+
Ita salva haʼu husi ema neʼebé halo violénsia.
49 Tan neʼe mak haʼu sei fó glória ba Ita, oh Jeová iha nasaun sira-nia leet,+