Salmo
149 Fó hahiʼi ba Jah!*
Kanta knananuk foun ida ba Jeová;+
Fó hahiʼi ba nia iha kongregasaun nia leet hamutuk ho ema neʼebé laran-metin.+
2 Husik Izraél haksolok tanba ninia Kriadór Boot;+
Husik Siaun nia oan-mane sira kontente tanba sira-nia Liurai.
3 Husik sira hahiʼi ninia naran ho dansa+
No kanta knananuk hahiʼi nian* ba nia, hodi akompaña ho tamborín no arpa.+
4 Tanba Jeová kontente ho ninia povu.+
Nia hafurak ema neʼebé laran-maus hodi salva sira.+
5 Husik ema neʼebé laran-metin kontente tanba sira-nia glória;
Husik sira haklalak ho haksolok iha sira-nia toba-fatin.+
6 Husik sira-nia ibun kanta knananuk hahiʼi nian ba Maromak,
No husik sira-nia liman kaer surik ho kroʼat rua,
7 Atu selu fali ba nasaun sira
No fó kastigu ba povu,
8 Atu kesi nasaun sira-nia liurai ho korrente
No kesi sira-nia ema-boot sira ho korrente husi besi,
9 Atu fó kastigu ba sira tuir desizaun neʼebé hakerek ona hasoru sira.+
Glória neʼe ba deʼit Maromak nia ema hotu neʼebé laran-metin.
Fó hahiʼi ba Jah!*