Salmo
Ba dirijente. Kora nia oan-mane sira-nia knananuk.+
47 Imi povu hotu, basa liman bá.
Haklalak ho lian manán nian hodi hahiʼi Maromak ho haksolok.
2 Tanba Jeová, Maromak neʼebé Aas Liu Hotu, mak kmanek tebes;+
Nia mak Liurai neʼebé boot iha mundu tomak.+
3 Nia halo ita manán nasaun sira;
Nia tau sira iha ita-nia ain okos.+
4 Nia hili liman-rohan ida ba ita,+
Jacob neʼebé nia hadomi sente orgullu tanba liman-rohan neʼe.+ (Sela)
5 Povu haklalak ho haksolok bainhira Maromak saʼe ba leten;
Povu huu dikur* bainhira Jeová saʼe ba leten.
6 Kanta knananuk hahiʼi nian* ba Maromak, kanta hodi hahiʼi nia.
Kanta knananuk hahiʼi nian ba ita-nia Liurai, kanta hodi hahiʼi nia.
7 Tanba Maromak mak Liurai iha mundu tomak;+
Kanta knananuk hahiʼi nian no hatudu hahalok matenek.
8 Maromak sai ona Liurai ba nasaun sira.+
Maromak tuur ona iha ninia kadunan santu.
9 Povu nia ulun-naʼin sira halibur hamutuk ona
Ho povu husi Abraão nia Maromak.
Tanba ukun-naʼin* sira iha mundu neʼe mak Maromak nian.
Ninia glória mak boot tebes.+