5 Tempu neʼebé Kristu toʼo ona mai (parousia)
Mateus 24:3—Gregu, τὸ σημεῖον τῆς σῆς παρουσίας (to semeion tes ses parousias)
1864 |
|
The Emphatic Diaglott (J21), husi Benjamin Wilson, Novaiorke no Londres. |
1897 |
|
The Emphasised Bible, husi J. B. Rotherham, Cincinnati. |
1903 |
|
The Holy Bible in Modern English, husi F. Fenton, Londres. |
1950 |
|
New World Translation of the Christian Greek Scriptures, Brooklyn. |
Tradusaun Bíblia nian barak tradús lia-gregu parousia iha dalan oioin. Sira uza liafuan hanesan “fila fali”, “mai daudaun”, “toʼo mai”, no “iha neʼe”. Maibé arti loloos ba liafuan neʼe mak “iha neʼe daudaun” ka “toʼo ona mai”. Liafuan parousia mosu dala 24 iha Eskritura Lia-Gregu, iha Mateus 24:3, 27, 37, 39; 1 Korinto 15:23; 16:17; 2 Korinto 7:6, 7; 10:10; Filipe 1:26; 2:12; 1 Tesalónika 2:19; 3:13; 4:15; 5:23; 2 Tesalónika 2:1, 8, 9; Tiago 5:7, 8; 2 Pedro 1:16; 3:4, 12; 1 João 2:28. Iha eskritura sira-neʼe, Bíblia Tradusaun Mundu Foun tradús parousia nuʼudar “toʼo ona mai”, “mai”, “vizita”, “hamutuk”, “iha imi-nia leet”, “iha hela”, no “iha neʼe”.
Matenek-naʼin barak dehan katak liafuan neʼe laʼós deʼit kona-ba tempu neʼebé ema ruma mosu mai, maibé mós kona-ba tempu neʼebé nia hamutuk hela ho sira, no ida-neʼe hanesan ho simu vizita husi ema-boot. Neʼe la koʼalia deʼit kona-ba tempu neʼebé nia mosu, maibé tempu espesiál neʼe kleur uitoan. Iha Mateus 24:37-39, Jesus dehan katak “tempu neʼebé Oan-Mane husi ema toʼo ona mai” sei hanesan ho “Noé nia loron” neʼebé ramata ho Rai-Nabeen. Noé harii ró boot no fó avizu ba ema aat ba tempu kleur antes rai-nabeen toʼo mai no halakon mundu aat iha tempu neʼebá. Nuneʼe mós ho tempu neʼebé Kristu toʼo ona mai, maski ema la haree nia; ida-neʼe sei laʼo ba tempu balu, no neʼe sei ramata iha tempu neʼebé mundu aat halakon hotu.
Tan neʼe, Jesus nia parousia la koʼalia kona-ba tempu neʼebé nia mai fali, maibé koʼalia kona-ba tempu neʼebé nia toʼo ona mai no ukun nuʼudar liurai.