7A “Psiké”—kriatura neʼebé moris, ema ka animál; moris nuʼudar ema matenek ida; arti seluk tan

Gregu, ψυχή (psiké); latín, ánima; ebraiku, נפש (nefes)

Iha Eskritura Lia-Gregu, liafuan gregu psiké mosu dala 102, no dala primeiru iha Mateus 2:20. Kuandu ita kompara didiʼak liafuan sira neʼebé mosu antes no depois liafuan psiké iha eskritura sira, ida-neʼe bele ajuda ita atu komprende liafuan neʼe katak sá hodi tuir hanoin husi hakerek-naʼin Bíblia nian. Porezemplu liafuan neʼe bele iha arti katak ema ida, ka animál ida; ka moris neʼebé ema iha ka animál sira iha. Tan razaun neʼe, iha Bíblia Tradusaun Mundu Foun iha lia-tetun, dala barak liu ami tradús psiké nuʼudar “moris” ka “ema”.

Liafuan ebraiku nefes iha arti hanesan ho liafuan gregu psiké. Liafuan nefes mosu dala 754 iha Eskritura Lia-Ebraiku, no dala primeiru liafuan neʼe mosu iha Gênesis 1:20. Bíblia balu tradús liafuan psiké no nefes nuʼudar “espíritu” ka “klamar”. Maibé, lia-gregu no lia-ebraiku uza liafuan seluk kuandu koʼalia kona-ba espíritu, neʼe mak liafuan pneuma no ruah. (Atu hatene tansá psiké no espíritu la hanesan, haree eskritura sira neʼebé temi iha subtítulu “psiké la hanesan ho espíritu”.) Ema balu tradús psiké no nefes nuʼudar espíritu tanba sira fiar hanorin kona-ba ema iha klamar neʼebé la bele mate. Hanorin falsu neʼe nia hun mai husi relijiaun no hanorin Ejitu antigu nian, husi Babilónia antigu, Grésia antigu no Roma antigu.

Atu ajuda ita hatene kona-ba arti oioin husi liafuan psiké iha eskritura sira, ami tau tiha lista iha kraik ho subtítulu oioin. Iha ami-nia tradusaun ami tau nota-rodapé iha eskritura tuirmai neʼe hodi hatudu kona-ba fatin neʼebé liafuan psiké mosu iha Bíblia orijinál.

Psiké kona-ba animál nia moris

Apokalipse 8:9

Psiké kona-ba ema neʼebé moris

Apóstolu 2:41, 43; 7:14; 27:37

Psiké, bele mate ka bele halakon

Mateus 2:20; 10:28, 28; 26:38

Marcos 3:4; 14:34

Lucas 6:9; 17:33