NAUM
1 Tuirmai neʼe mak liafuan kastigu nian hasoru Nínive.+ Neʼe mak livru neʼebé fó sai kona-ba vizaun husi Naum,* ema Elkos:
2 Jeová mak Maromak neʼebé hakarak ema atu adora nia mesak deʼit,+ Maromak neʼebé selu fali ninia inimigu sira-nia hahalok aat.
Jeová sei selu fali no prontu atu hatudu sai ninia laran-nakali.+
Jeová sei selu fali ba ninia inimigu sira
No rai hirus hasoru ninia inimigu sira.
3 Jeová la hirus lalais+ no iha kbiit boot,+
Maibé Jeová sei la hanetik kastigu ba ema neʼebé merese hetan kastigu.+
Bainhira nia laʼo, anin-fuik huu makaʼas,
No kalohan sira mak rai-rahun husi ninia ain.+
Basan no Karmel sai namlaek,+
No ai-funan iha Líbanu mós sai namlaek.
5 Foho sira nakdoko tanba nia,
No foho-oan sira nabeen.+
Rai sei nakdoko iha ninia oin,
Nuneʼe mós ho mundu no sira hotu neʼebé hela iha laran.+
6 Sé mak bele tahan ninia laran-nakali?+
Sé mak bele tahan ninia hirus neʼebé lakan makaʼas?+
Ninia hirus sei fakar sai hanesan ahi,
No fatuk boot sira sei rahun tanba nia.
7 Jeová mak diʼak,+ nia mak fatin seguru iha tempu susar.+
Nia hanoin* sira neʼebé buka protesaun husi nia.+
8 Nia sei halakon hotu Nínive* ho bee neʼebé suli makaʼas,
No nakukun sei duni tuir ninia inimigu sira.
9 Planu aat saida mak imi sei halo hasoru Jeová?
Nia sei halakon imi toʼo mohu.
Susar sei la mosu tan ba dala segundu.+
10 Tanba sira bobar hamutuk hanesan ai-tarak,
No sira mak hanesan ema neʼebé lanu ho serveja.*
Maibé sira sei lakon tiha hanesan ahi han duʼut-kain maran.
11 Husi ó* mak sei mosu ema ida neʼebé halo planu aat kontra Jeová,
No fó konsellu neʼebé la iha folin.
12 Jeová dehan nuneʼe:
Haʼu fó-terus ona ba ó,* maibé haʼu sei la fó-terus tan ba ó.
13 Agora haʼu sei halo tohar ai-leba neʼebé ó-nia inimigu* tau ona ba ó,+
No haʼu sei halo kotu ba rua korrente neʼebé kesi ó.
14 Jeová fó sai ona mandamentu kona-ba ó,* hodi dehan:
‘Ó-nia naran sei la iha tan.
Haʼu sei halakon tiha estátua neʼebé bahat ona hamutuk ho estátua besi husi ó-nia maromak sira-nia templu.
Haʼu sei halo rate ida ba ó, tanba ó folin-laek.’
Oh Judá, selebra ó-nia festa sira,+ kumpre ó-nia juramentu sira.
Ema folin-laek sira sei nunka ataka tan ó.
Sira sei lakon mohu.”
2 Inimigu neʼebé sei halo ó-nia povu namkari mai ona hodi ataka ó.*+
Defende ó-nia moru neʼebé metin.
Haree didiʼak ó-nia dalan bá.
Halo prontu ó-nia an* no uza ó-nia forsa tomak.
2 Tanba Jeová sei fó fali Jacob nia glória,*
No mós Izraél nia glória,
Tanba inimigu harahun ona sira*+
No estraga ona sira-nia uvas-sanak.
3 Ninia asuwaʼin sira-nia eskudu pinta kór-mean,
Ninia funu-naʼin sira hatais hena mean.
Besi sira iha ninia kuda-karreta funu nian nabilan hanesan ahi
Iha loron neʼebé nia sai prontu ba funu,
No mane sira kaer diman neʼebé halo husi ai-juníperu.
4 Kuda-karreta funu nian halai makaʼas loos iha dalan sira.
Sira halai bá-mai iha fatin públiku sira.
Sira nabilan hanesan ahi-oan neʼebé lakan makaʼas no hanesan rai-lakan.
5 Nia* sei bolu ninia ulun-naʼin sira.
Sira sei sidi bainhira sira halai ba oin.
Sira sei halai lalais ba sidade nia moru;
Sira taka netik dalan hodi defende sidade.
7 Desizaun neʼe fó sai ona:* Sidade neʼe hanesan liurai-feto neʼebé sei hetan moe.
Ema sei lori nia ba dadur, no ninia atan-feto sira tanis halerik.
Sira-nia lian hanesan manu-pombu nuʼudar sira baku sira-nia hirus-matan.*
8 Husi tempu uluk kedas Nínive+ mak hanesan kolan ida,
Maibé agora sira halai daudaun.
“Hamriik metin bá! Hamriik metin bá!”
Maibé la iha ema ida mak fila fali.+
9 Hadau osan-mutin, hadau osan-mean bá!
Rikusoin sira la iha rohan.
Sidade neʼe nakonu ho sasán folin-boot oioin.
10 Sidade neʼe sai mamuk, rahun no sai fuik ona!+
Sira-nia laran sai taʼuk loos,* sira-nia ain-tuur no knotak nakdedar;
Sira hotu nia oin hatudu neon-susar.*
11 Leaun nia hela-fatin iha neʼebé?+ Uluk leaun-aman sira han iha neʼebá,
Iha neʼebá leaun lori ninia oan sira,
No la iha ema ida mak halo sira taʼuk.
12 Leaun-aman lees animál pedasuk ba pedasuk atu fó-han ninia oan sira toʼo bosu
No nia buti mate animál atu fó ba leaun-inan sira.
Nia halo nakonu ninia hela-fatin ho animál neʼebé nia kasa,
No halo nakonu ninia hela-fatin ho animál sira neʼebé nia lees tiha.
13 Jeová neʼebé ukun tropa lalehan nian dehan: “Haʼu sei kontra hasoru ó,+
Haʼu sei sunu ó-nia kuda-karreta funu nian,+
No surik sei tolan tiha ó-nia leaun-aman sira.
Haʼu sei hapara ó atu la kasa tan ema iha rai tomak,
No sei la iha tan lian husi ema sira neʼebé lori ó-nia lia-menon.”+
3 Susar ba sidade neʼebé sempre fakar ema nia raan!
Nia nakonu ho lia-bosok no naʼok.
Nia la para atu hadau sasán!
2 Haʼu rona lian husi xikote no roda sira,
Haʼu haree kuda no kuda-karreta halai makaʼas,
3 Tropa neʼebé saʼe kuda, surik no diman neʼebé nabilan,
Ema barak mate no mate-isin butuk malu,
Mate-isin barak loos toʼo labele sura.
Ema laʼo la diʼak tanba mate-isin barak.
4 Neʼe akontese tanba ninia hahalok barak nuʼudar feto-aat,*
Feto neʼe oin-kapás no dada ema, no halo hahalok matan-dook nian.
Nia lasu nasaun sira liuhusi ninia hahalok hanesan feto-aat no lohi família sira liuhusi ninia hahalok matan-dook nian.
5 Jeová neʼebé ukun tropa lalehan nian dehan: “Haʼu sei kontra hasoru ó.*+
Haʼu sei hiʼit saʼe ó-nia saia hodi taka ó-nia oin.
Haʼu sei halo nasaun sira haree ó-nia isin-tanan,
No halo nasaun sira haree ó-nia moe.
7 Ema hotu neʼebé haree ó sei halai husi ó+ no dehan:
‘Nínive naksobu ona!
Sé mak sei hanoin sidade neʼe?’
Iha neʼebé mak haʼu bele hetan ema atu fó kmaan ba ó?
8 Ó diʼak liu fali Nó-Amon,*+ neʼebé besik Nilo nia mota kiʼik sira ka?+
Uluk bee mak haleʼu sidade neʼe;
Ninia rikusoin mak tasi no ninia moru mak tasi.
9 Rai-Etiópia no rai-Ejitu mak hun ba ninia forsa boot.
Put+ no ema Líbia mak ninia* ajuda-naʼin.+
10 Maibé Nó-Amon sai nuʼudar dadur.
Sidade neʼe mós laʼo ona ba dadur.+
Ema harahun ona ninia oan sira pedasuk ba pedasuk iha dalan sikun hotu.
Sira dada sorteiu* kona-ba ninia mane sira neʼebé naran-boot,
No sira kesi ona ninia ema-boot hotu ho korrente.
11 Ó mós sei sai lanu.+
Ó sei subar an.
Ó sei buka protesaun husi inimigu.
12 Ó-nia fatin seguru hotu mak hanesan ai-figeira nia fuan primeiru.
Se inimigu doko sira, sira sei monu tama ba inimigu nia ibun.
13 Ó-nia tropa sira sei sai fraku hanesan feto.
Portaun sira iha ó-nia rai sei loke luan ba ó-nia inimigu sira.
Ahi sei han mohu ai-lolon neʼebé uza atu xave ó-nia portaun sira.
14 Kuru bee no prepara ba tempu neʼebé inimigu halo serku ba ó!+
Halo metin ó-nia moru neʼebé seguru.
Tama ba tahu laran no sama rai-mean.
Kaer metin fatin atu halo bloku* sira.
15 Maski nuneʼe ahi sei han ó.
Surik ida sei tesi kotu tiha ó.+
Buat sira-neʼe sei han ó hanesan gafañotu sira han ai-tahan.+
Halo ó-nia an sai barak hanesan gafañotu!
Sin, halo ó-nia an sai barak hanesan gafañotu!
16 Ó halo ó-nia negósiu-naʼin sira sai barak liu fali fitun sira iha lalehan.
Gafañotu troka ninia kulit no semo tiha.
17 Ó-nia guarda sira mak hanesan gafañotu,
No ó-nia ulun-naʼin sira mak hanesan gafañotu lubun.
Durante loron neʼebé malirin, sira subar iha moru neʼebé halo husi fatuk,
Maibé kuandu loro-matan naroman, sira semo tiha,
No la iha ema ida mak hatene sira bá neʼebé.
18 Oh liurai Asíria, ó-nia bibi-atan sira matan-dukur.
Ó-nia ema-boot sira hela deʼit iha sira-nia uma.
Ó-nia povu namkari ona iha foho sira,
No la iha ema ida mak halibur fali sira.+
19 Ó sei la livre husi ó-nia dezastre boot.
Ó-nia kanek labele kura ona.
Ema hotu neʼebé rona kona-ba ó sei basa liman.+
Tanba ó haterus ona ema barak ho ó-nia hahalok aat neʼebé ó halo beibeik.”+
Naran neʼe katak “Ema neʼebé fó kmaan”.
Ka “tau matan”. Orj., “hatene”.
Orj., “halakon ninia fatin”.
Ka “serveja neʼebé halo husi trigu”.
Neʼe katak Nínive.
Neʼe katak ema Asíria.
Ka karik “no nia sei laʼo liu”.
Neʼe katak Judá.
Neʼe katak ema Asíria.
Neʼe katak ema Asíria.
Orj., “Ema nia ain”.
Neʼe katak Nínive.
Orj., “Hametin knotak”.
Ka “sei halo fali Jacob orgullu”.
Neʼe katak ema Izraél.
Karik neʼe refere ba liurai Asíria.
Ka “nabeen”.
Ka “metin ona”.
Orj., “sira-nia fuan”.
Ka “Sira-nia fuan sai nabeen”.
Ka “Sira hotu oin-mean”.
Ka “hahalok prostituisaun barak nuʼudar prostituta”.
Neʼe katak Nínive.
Neʼe katak Tebas.
Orj., “ó-nia”.
Haree “Dada sorteiu” iha Glosáriu.
Neʼe refere ba tijolu neʼebé halo husi duʼut-maran kahur ho tahu ka rai-mean.