HABAKUK
1 Tuirmai neʼe mak liafuan kastigu nian neʼebé profeta Habakuk* simu liuhusi vizaun ida:
2 Oh Jeová, toʼo bainhira mak haʼu tenke halerik atu husu ajuda, maibé Ita la rona?+
Toʼo bainhira mak haʼu tenke husu ajuda tanba violénsia, maibé Ita la salva ami?+
3 Tanbasá mak Ita halo haʼu haree hahalok aat?
Tanbasá mak Ita husik deʼit ema haterus malu?
Tanbasá mak iha naʼok no violénsia iha haʼu-nia oin?
Tanbasá mak mosu haksesuk malu no problema barak?
4 Tan neʼe mak ukun-fuan la iha ona kbiit,
No ema nunka kumpre justisa.
Ema aat mak haleʼu ema laran-loos,
Tan neʼe mak la iha justisa.+
5 “Hateke ba nasaun sira no haree didiʼak!
Hateke ba sira ho hakfodak;
Tanba buat ruma sei akontese iha imi-nia tempu
No imi sei la fiar maski imi rona lia-menon kona-ba neʼe.+
Sira bá atu domina rai barak
Hodi hadau uma sira neʼebé laʼós sira-nian.+
7 Sira siʼak no halo ema taʼuk.
Sira halo sira-nia lei rasik no hametin sira-nia kbiit.*+
Sira-nia kuda funu nian halai ba oin,
Sira-nia kuda mai husi fatin neʼebé dook.
Sira hanesan manu-makikit neʼebé semo tun lalais atu han animál ruma.+
9 Sira hotu mai ho hakarak atu halo deʼit violénsia.+
Bainhira sira halibur hamutuk atu ataka, sira hanesan anin husi parte leste,*+
No sira halibur ema dadur hanesan suru rai-henek.
10 Sira goza liurai sira
No hamnasa kona-ba ulun-naʼin sira.+
Sira hamnasa kona-ba fatin hotu neʼebé seguru,+
Sira ateru rai aas hodi bele tama no manán fatin sira-neʼe.
11 Tuirmai sira laʼo ba oin hanesan anin no sei laʼo liu fatin neʼe,
Maibé sira rasik sei hetan sala,+
Tanba sira fó glória ba sira-nia maromak kona-ba sira-nia kbiit.”*+
12 Oh Jeová, Ita-Boot iha ona horiuluk kedas, loos ka lae?+
Oh haʼu-nia Maromak neʼebé Santu, Ita nunka mate.*+
Oh Jeová, Ita hili sira atu halaʼo Ita-nia tesi-lia;
Oh haʼu-nia Fatuk Boot,+ Ita hili sira atu fó kastigu ba ami.*+
Entaun tanbasá mak Ita husik deʼit ema laran-makerek+
No kontinua nonook deʼit bainhira ema aat sira tolan tiha ema neʼebé laran-loos liu fali sira?+
14 Tanbasá mak Ita husik ema sai hanesan ikan iha tasi
No hanesan animál sira neʼebé dolar, neʼebé la iha ukun-naʼin ida?
15 Nia* kaer sira hotu ho kail.
Nia kaer sira iha rede laran,
No nia halibur sira iha ninia rede.
Tan neʼe mak nia haksolok tebes.+
16 Tan neʼe mak nia hasaʼe sakrifísiu ba ninia rede
No sunu insensu ba ninia rede;
Tanba ho ninia rede mak nia iha ai-han sira neʼebé diʼak no gostu.*
17 Entaun tanbasá mak Ita husik nia kontinua loke ninia rede?*
Nia sei kontinua oho nasaun sira la ho laran-sadiʼa ka?+
2 Haʼu sei kontinua hamriik iha fatin neʼebé haʼu hein nuʼudar guarda,+
No haʼu sei hamriik iha moru leten.
Haʼu sei hein nafatin* atu haree saida mak nia hakarak koʼalia liuhusi haʼu
No saida mak haʼu sei hatán bainhira nia korrije haʼu.
2 Depois neʼe, Jeová hatán mai haʼu:
“Hakerek vizaun neʼe, no bahat ho momoos iha fatuk-belar sira,+
3 Vizaun neʼe sei kumpre tuir tempu neʼebé hili tiha ona,
Neʼe halai lalais toʼo ninia rohan,* neʼe laʼós lia-bosok.
Maski vizaun neʼe demora karik,* hein nafatin bá!*+
Tanba vizaun neʼe sei kumpre duni.
Neʼe sei la tarde!
4 Haree ba ema neʼebé foti an;
Nia laʼós ema laran-loos.
Maibé ema laran-loos sei moris tanba ninia laran-metin.*+
5 Tuir loloos, tua-uvas bele halo ema hatudu hahalok beik,
Tan razaun neʼe, ema foti an sei la kumpre ninia planu.
Nia kontinua halibur nasaun sira hotu
No halibur povu sira hotu ba ninia an.+
6 Sira hotu sei koʼalia lia-dadolin, ai-knanoik no ai-sasiʼik kontra nia, loos ka lae?+
Sira sei dehan:
‘Susar ba nia neʼebé halibur buat neʼebé laʼós ninian
No aumenta tan ninia debe!
Nia sei halo nuneʼe toʼo bainhira?
7 Ema sira neʼebé fó debe ba ó sei hamriik derrepente deʼit, loos ka lae?
Sira sei hadeer no doko makaʼas ó,
No sira sei hadau ó-nia sasán.+
8 Ema restu hotu husi nasaun barak sei hadau ó-nia sasán sira,
Tanba ó hadau ona sira-nia sasán,+
Tanba ó fakar ema nia raan
No tanba violénsia neʼebé ó halo hodi estraga rai,
Sidade sira no mós ema neʼebé hela iha sidade laran.+
9 Susar ba ema neʼebé halo hahalok aat atu manán rikusoin ba ninia uma,
Hodi halo ninia knuuk iha fatin aas,
Atu susar labele kona nia!
10 Ó halo ona planu neʼebé lori moe ba ó-nia uma.
Ó halo sala kontra ó-nia an tanba ó halakon ema barak.+
11 Tanba fatuk ida iha didin laran sei halerik,
No ai ida husi uma-kakuluk sei hatán ba nia.
12 Susar ba ema neʼebé fakar ema nia raan hodi harii sidade ida,
No hametin sidade neʼe ho hahalok aat!
13 Ema halo serbisu makaʼas ba buat neʼebé ahi sei han tiha,
No nasaun sira sai kole maibé la hetan buat ida. Jeová neʼebé ukun tropa lalehan nian mak halo nuneʼe.+
15 Susar ba ema neʼebé fó buat ruma ba ninia belun sira atu hemu,
Hodi kahur neʼe ho laran-nakali no hirus, no halo sira lanu,
Atu nuneʼe bele hateke ba sira-nia isin-tanan!
16 Ó sei hetan moe boot duké hetan glória.
Ó mós tenke hemu no hatudu sai katak ó seidauk hetan sirkunsizaun.*
Kopu neʼebé iha Jeová nia liman-loos sei mai toʼo ó,+
No moe sei taka tiha ó-nia glória.
17 Violénsia neʼebé ó halo ba Líbanu sei kona fali ó,
No ó-nia hahalok aat neʼebé hataʼuk animál fuik sira sei kona fali ó,
Tanba ó fakar ema nia raan
No tanba ó halo violénsia ba rai,
Ba sidade sira no ba ema neʼebé hela iha sidade laran.+
18 Ema tau fiar ba estátua neʼebé sira halo,
Neʼebé halo husi ai, besi no fatuk.
Maibé konsellu husi sira mak lia-bosok.
Maromak folin-laek sira-neʼe labele koʼalia,
Entaun buat diʼak saida mak ema neʼebé halo estátua sira-neʼe bele hetan?+
19 Susar ba ema neʼebé dehan ba ai-pedasuk ida: “Hadeer bá!”
Ka dehan ba fatuk neʼebé labele koʼalia: “Hadeer bá! Hanorin ami bá!”
20 Maibé Jeová iha ninia templu santu.+
Oh mundu tomak, nonook bá iha ninia oin!’”+
3 Tuirmai neʼe mak profeta Habakuk nia orasaun, ho knananuk triste nian:*
2 Oh Jeová, haʼu rona ona istória kona-ba Ita-Boot.
Oh Jeová, haʼu admira kona-ba Ita-nia serbisu neʼebé kmanek.
Favór ida, halaʼo fali Ita-nia serbisu sira iha tempu neʼebé loos!*
Halo ema hatene Ita-nia serbisu sira iha tempu neʼebé loos,*
Favór ida, hanoin-hetan atu hatudu laran-sadiʼa durante tempu susar!+
Ninia glória taka lalehan;+
Rai nakonu ho hahiʼi ba nia.
4 Nia nabilan hanesan loron.+
Naroman rua sai husi ninia liman,
Fatin neʼebé ninia kbiit subar.
6 Nia hamriik metin no halo rai nakdoko.+
Nia hateke dala ida, halo nasaun sira haksoit.+
Foho sira neʼebé iha husi tempu uluk sai rahun tiha,
Foho-oan sira husi tempu antigu hakruʼuk tiha.+
Dalan sira husi tempu uluk kedas mak ninian.
7 Haʼu haree Kusan nia tenda sai laran-susar.
Hena tenda nian husi rai-Midian sai nakdedar.+
8 Oh Jeová, Ita sai hirus hasoru mota sira ka?
Ita la kontente ho sira ka?
Ita sai laran-nakali hasoru tasi ka?+
9 Ita hasai rama no prontu ona atu hana.
Ai-tonka* sira prontu ona atu kumpre sira-nia knaar tuir juramentu ida.* (Sela)
Ita fahe rai hodi uza mota sira.
10 Foho sira book an ho moras tanba haree Ita.+
Udan boot lori lakon tiha buat hotu.
Tasi kleʼan halo lian makaʼas.+
Tasi hiʼit aas ninia liman.
11 Loro-matan no fulan hamriik metin iha sira-nia hela-fatin neʼebé aas.+
Ita hana sai Ita-nia rama-oan sira neʼebé nabilan.+
Ita-nia diman naroman hanesan rai-lakan.
12 Ita laʼo liu mundu tomak ho laran-nakali.
Ita sama nasaun sira* ho hirus.
13 Ita sai mai atu salva Ita-nia povu, atu salva ema neʼebé Ita hili* ona.
Ita harahun ulun-naʼin husi ema aat nia uma.
Ita estraga uma neʼe toʼo hatudu sai ninia fundasaun.* (Sela)
14 Uluk bainhira ninia funu-naʼin sira sai mai hanesan anin-fuik atu halo ami* namkari,
Sira kontente tebes atu tolan subasubar ema sira neʼebé hetan terus.
Maibé Ita sona borus ninia funu-naʼin sira-nia ulun ho ninia armas.*
15 Ita halai liu tasi ho Ita-nia kuda sira,
Ita liu tasi boot sira.
Haʼu-nia ruin sira sai dodok;+
Haʼu-nia ain sira nakdedar.
Maibé haʼu sei kalma nafatin hodi hein ba loron susar nian,+
Tanba loron neʼe sei toʼo mai ba ema neʼebé ataka ami.
17 Maski ai-figeira la funan tan
No uvas-hun la fó fuan,
Maski ai-oliveira la fó fuan tan
No toʼos sira la fó ai-han,
Maski bibi sira lakon husi luhan
No karau luhan sai mamuk,
18 Maibé kona-ba haʼu, haʼu sei haksolok tanba Jeová.
Haʼu sei haksolok tebes tanba Maromak, haʼu-nia Salvadór.+
19 Jeová, Naʼi Ukun-Naʼin Boot Liu, mak haʼu-nia kbiit.+
Nia sei halo haʼu-nia ain sai hanesan bibi-rusa nian
No haʼu bele laʼo iha fatin neʼebé aas.+
Ba dirijente; múzika neʼe atu akompaña ho haʼu-nia instrumentu neʼebé iha talin.
Karik naran neʼe katak “Hakoʼak ho laran”.
Ka “dignidade”.
Neʼe mak animál neʼebé siʼak no han animál seluk.
Neʼe mak anin manas neʼebé huu makaʼas husi rai-fuik maran.
Ka karik “Tanba sira-nia maromak mak sira-nia kbiit”.
Ka karik “ami sei la mate”.
Ka “atu korrije ami”.
Neʼe katak ema Kaldeia.
Orj., “iha mina barak”.
Ka karik “kontinua losu ninia surik?”
Ka “kontinua matan-moris”.
Ka “Atu nuneʼe, ema neʼebé lee ho lian makaʼas bele lee ho momoos”.
Ka “halai lalais atu kumpre”.
Ka “Maski vizaun neʼe haree hanesan demora”.
Ka “hein namanas bá!”
Ka karik “fiar”.
Haree “Nefes” iha Glosáriu.
Haree “Siol” iha Glosáriu.
Ka karik “no laʼo sidi”.
Ka “knananuk lelir nian”.
Ka karik “iha ami-nia tempu”.
Ka karik “iha ami-nia tempu”.
Haree Glosáriu.
Haree Glosáriu.
Ka “manán”.
Ka karik “Rama”.
Ka karik “Suku sira fó sai ona sira-nia juramentu”.
Ka “sama nasaun sira hanesan sama trigu”.
Orj., “fui mina”. Haree “Fui mina” iha Glosáriu.
Orj., “Ita hatudu sai uma neʼe husi ninia fundasaun toʼo ninia kakorok”.
Orj., “haʼu”.
Orj., “ai-tonka”.
Orj., “kabun”.