PARTE 6

Saida mak ita aprende husi Rai-Nabeen Boot?

Maromak halakon ema aat sira maibé salva Noé no ninia família. Génesis 7:11, 12, 23

Ró namlele, ema aat sira mout, anju neʼebé kontra hasoru Maromak nakfila an sai fali espíritu

Udan tau ba loron 40 no kalan 40, no bee taka rai tomak, no ema aat hotu mate.

Anju aat sira neʼebé kontra hasoru Maromak nakfila an sai fali espíritu hodi tuir Satanás.

Noé, ninia família no animál sira sai husi ró, no arkiris mosu iha lalehan

Noé no ninia família neʼebé iha ró laran moris hela. Maski ikusmai sira sai idade no mate, maibé Maromak sei halo sira moris filafali no sira bele moris ba nafatin.

Maromak sei halakon ema aat dala ida tan no salva ema diʼak. Mateus 24:37-39

Satanás ho ninia anju aat sira uza dalan oioin atu lohi ema

Satanás no anju aat sira kontinua lohi ema.

Hanesan ho Noé nia tempu, ema barak ohin loron mós lakohi simu Maromak Jeová nia hanorin. Lakleur tan, Jeová sei halakon ema aat sira-neʼe.—2 Pedro 2:5, 6.

Testemuña ba Jeová haklaken ba mane ida hodi uza Bíblia; mane ida lee Bíblia

Maibé iha ema balu neʼebé hanesan Noé. Sira rona ba Maromak no halo tuir. Sira mak Testemuña ba Jeová.