Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • lfb istória 79 p. 186-p. 187 par. 2
  • Jesus halo milagre oioin

La iha video neʼebé bele loke.

Deskulpa, la bele loke vídeo.

  • Jesus halo milagre oioin
  • Aprende husi Istória iha Bíblia
  • Informasaun seluk neʼebé hanesan
  • Jesus halo ema mate moris fali
    Livru Istória husi Bíblia
  • Nia hadomi ema
    Livru Haklaken fó sai Maromak Jeová nia Ukun—2015
Aprende husi Istória iha Bíblia
lfb istória 79 p. 186-p. 187 par. 2
Ema moras hakbesik ba Jesus atu bele hetan kura

ISTÓRIA 79

Jesus halo milagre oioin

Jesus mai mundu atu haklaken kona-ba Maromak nia Ukun. Jeová fó kbiit ba Jesus atu halo milagre oioin. Milagre sira-neʼe hatudu sai buat neʼebé Jesus sei halo nuʼudar liurai ba Maromak nia Ukun. Nia bele kura moras hotu. Iha fatin naran deʼit neʼebé Jesus bá, ema moras sira mai atu husu ajuda, no Jesus kura sira. Ema matan-delek bele haree, ema tilun-diuk bele rona, ema ain-kudeik bele laʼo fali no ema neʼebé anju aat domina bele sai livre. Maski ema kona deʼit Jesus nia roupa, sira sai diʼak fali. Ema laʼo tuir Jesus ba fatin oioin. Maski dala ruma nia hakarak mesamesak, maibé nia sempre prontu atu ajuda ema.

Loron ida, ema balu lori mane isin-matek ida ba uma neʼebé Jesus hela bá. Maibé uma neʼe nakonu ho ema no sira labele tama. Tan neʼe, sira halo kuak iha uma-kakuluk no hatún mane neʼe ba Jesus. Tuirmai, Jesus dehan ba nia: ‘Hamriik no laʼo bá.’ Bainhira nia laʼo, ema hotu hakfodak.

Iha tempu seluk, kuandu Jesus tama knua ida, mane naʼin-10 neʼebé moras-lepra hamriik dook no hakilar: ‘Jesus, ajuda ami!’ Iha tempu neʼebá, ema neʼebé moras-lepra labele hakbesik ba ema seluk. Jesus haruka sira bá templu hodi tuir Maromak nia Ukun-Fuan kona-ba ema moras-lepra neʼebé kura ona. Nuʼudar sira laʼo ba templu, sira-nia isin sai diʼak. Bainhira sira ida hatene katak nia diʼak ona, nia fila fali atu fó obrigadu ba Jesus no hahiʼi Maromak. Husi ema naʼin-10, só nia deʼit mak fó obrigadu ba Jesus.

Feto ida neʼebé moras ba tinan 12 hakarak tebes atu sai diʼak. Bainhira Jesus iha ema-lubun nia leet, feto neʼe hakbesik Jesus husi kotuk no kona Jesus nia roupa ninin, no ninia moras diʼak kedas. Tuirmai Jesus husu: ‘Sé mak kona haʼu?’ Feto neʼe sente taʼuk, maibé nia hakbesik Jesus no hatete buat neʼebé nia halo. Jesus fó kmaan ba nia hodi dehan: ‘Laʼo bá ho dame.’

Ema-boot ida naran Jairo husu Jesus: ‘Favór mai haʼu-nia uma. Haʼu-nia oan-feto moras todan.’ Maibé antes Jesus toʼo iha Jairo nia uma, labarik neʼe mate ona. Bainhira toʼo, Jesus haree ema barak tanis. Jesus dehan ba sira: ‘Keta tanis, nia toba deʼit.’ Tuirmai, Jesus kaer labarik neʼe nia liman no dehan: ‘Noi, hadeer bá.’ Labarik neʼe hadeer kedas, no Jesus haruka ninia inan-aman atu fó hahán ba nia. Ninia inan-aman kontente tebes!

Jesus fó moris-hiʼas ba Jairo nia oan-feto

“Maromak hili ona nia liuhusi espíritu santu no kbiit, no nia laʼo haleʼu rai neʼe hodi halo diʼak no kura ema hotu neʼebé Diabu haterus, tanba Maromak hamutuk ho nia.”—Apóstolu 10:38

Pergunta: Tanbasá mak Jesus bele kura moras hotu? Saida mak akontese ba Jairo nia oan-feto?

Mateus 9:18-26; 14:36; Marcos 2:1-12; 5:21-43; 6:55, 56; Lucas 6:19; 8:41-56; 17:11-19

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe