Introdusaun ba Parte 13

Jesus mai mundu atu fó ninia moris ba ema neʼebé la perfeitu. Maski nia mate, maibé nia manán mundu tanba nia nafatin laran-metin ba Jeová. Jeová mós laran-metin ba ninia Oan-Mane no halo nia moris hiʼas. Durante Jesus nia moris tomak iha mundu, nia serbí ema seluk ho haraik an no fó perdua ba sira-nia sala. Depois Jesus moris hiʼas, nia hasoru ninia dixípulu sira no hanorin kona-ba oinsá atu halaʼo knaar importante neʼebé sira simu. Se Ita iha oan, ajuda sira atu komprende katak ita mós simu knaar neʼebé hanesan.