Tansá Maromak la tau matan ita?
11 Setembru 2001: Iha tuku 8.46 dadeer, aviaun ho pasajeiru barak xoke uma-andár boot World Trade Center iha sidade Novaiorke. Ho ida-neʼe terrorista sira komesa atu ataka iha fatin oioin. Durante oras ida minutu 42 nia laran, maizumenus ema naʼin-3.000 mate.
26 Dezembru 2004
Rai-nakdoko boot iha Oseanu Índiku ho forsa 9,0 iha eskala Richter hamosu tsunami neʼebé kona nasaun 11, inklui mós rai-Áfrika neʼebé dook kilómetru 5.000. Iha loron ida nia laran, ema naʼin-150.000 mate no lakon, no ema naʼin-1.000.000 liu lakon sira-nia uma.
1 Agostu 2009: Aman ida tinan 42 hamutuk ho ninia oan tinan 5 halimar ho ró kiʼik neʼebé halai makaʼas, no sira xoke ponte-kais. Aman mate kedas. Oan tahan ba loron ida. Aman nia sobriña hatete: “Ami hein milagre ida atu nia bele sai diʼak fali.” Maibé, loron tuirmai oan mós mate.
Kuandu ita lee kona-ba terrorizmu ka kona-ba dezastre naturál ka kuandu ema ida husi ita-nia família mate, dala ruma ida-neʼe halo ita hanoin: ‘Maromak haree buat hotu neʼe ka lae? Tansá Maromak la tau matan ita?’ Hanesan ita sei haree, Bíblia fó resposta neʼebé bele halo ita sente kmaan.
[Dezeñu Krédito iha pájina 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Picture