Informasaun iha livru neʼe

Lisaun neʼe esplika oinsá mak ita bele uza ita-nia sasán atu “halo belun” ho Jeová no Jesus. (Lucas 16:9) Ita mós sei aprende oinsá atu la sai atan ba mundu neʼe nia sistema ekonomia no serbí Jeová ho laran tomak.

Oinsá mak ema kristaun ida bele tahan bainhira ema neʼebé sira hadomi mate? Jeová fó kmaan mai ita liuhusi Jesus Kristu, Bíblia no kongregasaun kristaun. Lisaun neʼe sei esplika oinsá ita bele hetan kmaan, no oinsá atu fó kmaan ba ema seluk.

Salmo 147 dehan beibeik atu fó hahiʼi ba Jeová. Tanbasá mak ema neʼebé hakerek salmo neʼe hakarak tebes atu Jeová hetan hahiʼi? Lisaun neʼe fó resposta ba pergunta neʼe, no mós fó razaun tanbasá ita mós hakarak hahiʼi Jeová.

Irmaun-irmán joven barak deside atu serbí Jeová tempu-tomak. Ita mós hakarak halo hanesan sira ka lae? Lisaun neʼe sei fó matadalan diʼak husi Bíblia atu ajuda ita halo planu sira hodi hetan futuru neʼebé kontente no susesu.