Avizu
◼ Livru neʼebé fahe iha fulan-Juñu: Tuir Loloos, Saida mak Bíblia Hanorin? Hakaʼas an atu hahú estudu Bíblia. Fulan-Jullu no Agostu: Broxura naran deʼit neʼebé iha lia-tetun. Fulan-Setembru: Tuir Loloos, Saida mak Bíblia Hanorin? Hakaʼas an atu komesa kedas estudu Bíblia ho ema kuandu hasoru sira iha vizita primeiru. Se uma-naʼin iha ona livru ida-neʼe, fó-hatene sira kona-ba benefísiu neʼebé sira bele hetan husi livru neʼe no hatudu ezemplu kiʼik ida ba uma-naʼin kona-ba oinsá mak bele estuda Bíblia hodi uza livru neʼe.
◼ Fulan-Agostu iha loron-sábadu no domingu dala lima. Tan neʼe diʼak atu foti pioneiru ausiliár iha fulan neʼe.
◼ Hahú husi loron 1 Setembru, 2008, ita sei estuda broxura Governu neʼebé Sei Lori Paraízu Mai iha reuniaun estudu livru nian. Hahú husi loron 29 Setembru, 2008, ita sei estuda broxura Ita Bele Sai Maromak nia Belun. Se presiza, kongregasaun tenke hameno broxura sira-neʼe, hodi nuneʼe bele uza atu estuda.
◼ Katuas koordenadór tenke fó knaar ba ema ida atu revista informasaun kona-ba kongregasaun nia osan ba fulan-Marsu, Abríl, no Maiu. Bainhira halo revista hotu tiha, tenke fó-hatene rezultadu ba kongregasaun kuandu fó avizu kona-ba kongregasaun nia osan.—Haree Instructions for Congregation Accounting (S-27).
◼ Kuandu haruka formuláriu aplikasaun atu sai pioneiru regulár ba sukursál, diʼak atu sukursál simu aplikasaun neʼe loron 30 ka liu antes data neʼebé atu komesa serbisu pioneiru. Katuas sekretáriu tenke haree didiʼak formuláriu neʼe katak buat hotu prenxe ona. Se haklaken-naʼin haluha tiha ona data neʼebé nia hetan batizmu, nia tenke siʼik no hakerek data neʼe, no depois uza nafatin data neʼebé siʼik ona. Katuas sekretáriu mós tenke hakerek data ida-neʼe iha Congregationʼs Publisher Record (S-21).
◼ Husi fulan-Janeiru 2008, ita bele simu Menara Pengawal no Sedarlah! iha lia-inglés no español iha audio file liuhusi Web site www.pr418.com. Ita bele hetan audio file sira-neʼe antes kongregasaun simu CD ka MP3. Maski organizasaun la husu osan ba download ida-idak, ida-neʼe laʼós katak ida-neʼe gratis deʼit, organizasaun gasta osan ba download ida-idak neʼe. Maibé, ida-neʼe baratu liu duké halo no haruka CD ka MP3. Tan neʼe, se ita download file sira-neʼe, diʼak atu la hameno tan CD ka MP3. Kona-ba ida-neʼe, ita bele koʼalia ba irmaun neʼebé tau matan ba livru fulan-fulan nian. Lakleur, ita sei simu audio file iha língua oioin liuhusi www.pr418.com.