Avizu
◼ Livru neʼebé fahe iha fulan-Jullu no Agostu: Broxura naran deʼit neʼebé iha lia-tetun. Fulan-Setembru: Tuir Loloos, Saida mak Bíblia Hanorin? Hakaʼas an atu komesa kedas estudu Bíblia ho ema kuandu hasoru sira iha vizita primeiru. Se uma-naʼin iha ona livru ida-neʼe, fó-hatene sira kona-ba tansá livru neʼe mak diʼak ba sira no hatudu ba uma-naʼin kona-ba oinsá mak bele estuda Bíblia hodi uza livru neʼe. Fulan-Outubru: Menara Pengawal no Sedarlah! Bainhira ema hatudu interese, koʼalia no hatudu tratu Ita hakarak atu hatene liu kona-ba Bíblia? atu komesa estudu Bíblia.
◼ Fulan-Agostu iha loron-sábadu no domingu dala lima. Tan neʼe, diʼak atu serbí nuʼudar pioneiru ausiliár iha fulan neʼe.
◼ Hahú husi loron 3 Novembru 2008, ita sei estuda livru Istória husi Bíblia iha Reuniaun Estudu Livru nian. Se presiza, kongregasaun tenke hameno livru sira-neʼe, hodi nuneʼe bele uza atu estuda.
◼ Kongregasaun mak iha knaar atu hameno livru sira husi sukursál, laʼós haklaken-naʼin ida-idak mak halo nuneʼe. Katuas koordenadór tenke arranja atu fó avizu ba kongregasaun fulan-fulan antes hameno livru husi sukursál. Hodi halo nuneʼe, sira hotu neʼebé hakarak atu hameno livru ruma bele fó-hatene irmaun neʼebé tau matan ba livru sira. Halo favór hanoin-hetan mós katak iha livru balun neʼebé kongregasaun labele rai, tan neʼe tenke hameno se ema ruma presiza.
◼ Tinan-tinan kongregasaun nia sekretáriu tenke arranja atu sura livru no livru fulan-fulan hotu neʼebé kongregasaun iha. Ida-neʼe tenkesér halo iha loron 31 Agostu 2008, ka loron balu depois loron neʼe. Serbisu ida-neʼe hanesan ho serbisu neʼebé halo fulan-fulan, maibé tenke hakerek totál iha formuláriu Literature Inventory (S-18). Totál husi Menara Pengawal no Sedarlah! neʼebé sei iha tenke hetan husi irmaun neʼebé toma konta ba livru fulan-fulan sira-neʼe. Kongregasaun sei simu formuláriu Literature Inventory tolu. Halo favór haruka orijinál deʼit ba sukursál la liu loron 6 Setembru. Rai-hela kópia ida ba kongregasaun. Kópia ida seluk bele uza nuʼudar surat-tahan atu sura livru hotu didiʼak.
◼ Komesa iha fulan-Setembru, katuas neʼebé vizita kongregasaun sira sei hatoʼo diskursu públiku ho tema: “Laʼo iha dalan laran-metin nian.”
◼ Atu hahú estudu Bíblia, haklaken-naʼin tenke uza livru Bíblia Hanorin, laʼós broxura Saida maka Maromak Hakarak ita atu Halo? Maibé bainhira haklaken, bele kontinua atu fahe broxura neʼe toʼo kongregasaun la iha tan broxura neʼe.