Oinsá atu uza livru “Maromak nia Domin” hodi halaʼo estudu Bíblia
1. Livru “Maromak nia Domin” ajuda ita atu halo saida?
1 Iha reuniaun boot “Husik Maromak nia espíritu hatudu dalan ba ita”, ita haksolok hodi simu livru foun “Hela Nafatin iha Maromak nia Domin”! Hanesan ita rona ona iha reuniaun boot neʼe, livru ida-neʼe laʼós kona-ba hanorin neʼebé simples husi Bíblia, maibé sei ajuda ita aprende kona-ba hahalok sira neʼebé tuir Maromak nia hakarak no kaer metin ba ninia matadalan sira-neʼe. Livru ida-neʼe sei la fahe iha serbisu haklaken.
2. Ita sei uza livru ida-neʼe atu estuda ho sé? Oinsá mak ita sei halaʼo estudu neʼe?
2 Livru neʼe sai nuʼudar livru segundu atu estuda Bíblia ho ema neʼebé ramata tiha ona livru Bíblia Hanorin. Ita labele haluha katak estudante ida-idak laʼo ba oin iha lia-loos iha dalan neʼebé lahanesan. Tan neʼe, halaʼo estudu hodi tuir ida-idak nia situasaun no presiza. Haree didiʼak se Ita-nia estudante komprende ho klaru kona-ba informasaun neʼebé nia aprende. Baibain ita sei la uza livru ida-neʼe atu estuda fali ho ema neʼebé uluk estuda livru barak maibé la tuir reuniaun no la koko atu troka ninia moris atu tuir lia-loos.
3. Se Ita uza daudauk livru Sembahlah Allah hodi halaʼo estudu, ita sei halo saida?
3 Se Ita uza daudauk livru Sembahlah Allah hodi halaʼo estudu no hela kapítulu balu deʼit atu ramata, Ita bele estuda toʼo hotu no bele fó laran-manas ba estudante atu lee mesak livru “Maromak nia Domin”. Se hela kapítulu barak, diʼak liu atu troka livru neʼe no komesa fali husi kapítulu primeiru iha livru “Maromak nia Domin”. Hanesan ho livru Bíblia Hanorin, iha apéndise ita bele hili se estudante presiza atu estuda ka lae.
4. Se Ita-nia estudante hetan batizmu maibé seidauk ramata livru Bíblia Hanorin no “Maromak nia Domin”, Ita sei halo saida?
4 Se Ita-nia estudante hetan batizmu maibé seidauk ramata livru Bíblia Hanorin no “Maromak nia Domin” toʼo hotu, Ita tenke kontinua estudu neʼe toʼo halo hotu livru “Maromak nia Domin”. Kuandu ita halaʼo estudu neʼe, ita bele sura oras, vizita fali no estudu. Haklaken-naʼin ida tan neʼebé akompaña Ita no tuir estudu neʼe mós bele sura oras.
5. Oinsá mak sei uza livru “Maromak nia Domin” atu ajuda haklaken-naʼin neʼebé la haklaken ona ba tempu balu?
5 Se Kongregasaun nia Grupu Serbisu fó knaar ba Ita atu halaʼo estudu Bíblia ho haklaken-naʼin neʼebé la haklaken ona, karik katuas neʼe sei hili kapítulu balu deʼit husi livru “Maromak nia Domin” atu halaʼo estudu ho ema neʼe. Estudu hanesan neʼe sei la presiza tempu kleur. Ita hakarak hafolin livru foun neʼe, neʼebé sei ajuda ita atu “hela nafatin iha Maromak nia domin”!—Jud 21.