Rezultadu husi serbisu haklaken

Durante fulan-Outubru no Novembru iha mundu tomak, ita halaʼo kampaña espesiál atu fahe tratu Ita Hakarak Hatene Lia-Loos ka lae? Iha Timor-Leste mós kongregasaun rua fahe tratu barak iha sidade Dili, Baucau, no mós iha distritu Ermera. Feto ida iha Baucau simu tratu no haree pergunta sira iha pájina primeiru no hakerek resposta tuir ninia hanoin. Nia hakerek mós oinsá mak nia sente kona-ba resposta sira neʼebé hakerek iha pájina klaran. Depois, nia prenxe ninia naran no hela-fatin iha pájina ikus atu husu livru Tuir Loloos, Saida mak Bíblia Hanorin? no nia lori tratu neʼe ba Salaun Reinu.