Oinsá atu fahe livru fulan-fulan nian

Livru Haklaken Outubru-Dezembru

“Hodi hakaʼas an atu hadiʼa povu nia moris, dala ruma ulun-naʼin relijiaun sira envolve an iha polítiku. Tuir Ita-nia hanoin, ida-neʼe diʼak ka lae? [Hein ba resposta.] Haree toʼok saida mak Jesus halo kuandu ema hakarak nia atu sai sira-nia liurai. [Lee Joao 6:15.] Informasaun neʼe esplika tansá mak Jesus la hola parte iha polítiku.” Hatudu informasaun neʼebé komesa iha pájina 22.

Sedarlah! November

Lee 2 Timoteo 3:16. Depois hatete: “Tuir Ita-nia hanoin, ita bele simu no fiar buat hotu neʼebé Bíblia hatete ka lae? [Hein ba resposta.] Informasaun ida-neʼe kompara buat neʼebé matenek-naʼin sira konta kona-ba rai-Ejitu antigu ho buat neʼebé Bíblia hatete kona-ba ida-neʼe.” Hatudu informasaun neʼebé komesa iha pájina 15.

Livru Haklaken Outubru-Dezembru

“Besik ema hotu neʼebé ami koʼalia bá, hatete katak sira fiar Maromak. Maibé fiar Maromak la ajuda ema atu halo mundu neʼe livre husi krime no violénsia. Tuir Ita-nia hanoin, neʼe loos ka lae? [Hein ba resposta.] Eskritura neʼe husi Maromak nia Liafuan fó sai tansá mak buat aat akontese iha mundu neʼe. [Lee 2 Korinto 4:4.] Informasaun iha livru neʼe esplika katak “maromak mundu neʼe nian” mak Diabu Satanás. Esplika mós oinsá mak Satanás hanetik ema atu hatene kona-ba Maromak no oinsá mak ita bele hatene didiʼak Maromak.” Hatudu informasaun neʼebé komesa iha pájina 5.

Sedarlah! Desember

“Ita hanoin tiha ona tansá mak ema selebra Natál iha loron 25 Dezembru, maski Bíblia la temi bainhira loos mak Jesus moris? [Hein ba resposta.] Tuir eskritura neʼe, Jesus la moris iha tempu malirin. [Lee Lucas 2:8.] Livru ida-neʼe hatudu kostume balu nia hun neʼebé ema halo durante tempu Natál.”