Avizu

◼ Livru neʼebé fahe iha fulan-Fevereiru: Halaʼo Moris neʼebé Kontente nuʼudar Família. Fulan-Marsu: Tuir Loloos, Saida mak Bíblia Hanorin? Hakaʼas an atu komesa estudu Bíblia. Fulan-Abríl no Maiu: Livru Haklaken no Sedarlah! Kuandu halo vizita fali ba ema neʼebé hatudu interese, inklui mós ema neʼebé tuir Memoriál ka reuniaun seluk maibé seidauk tuir reuniaun hotu, fahe livru Tuir Loloos, Saida mak Bíblia Hanorin? no koko atu komesa estuda Bíblia ho sira.

◼ Diskursu espesiál iha tempu Memoriál iha tinan 2011 sei hatoʼo ho tema: “Bíblia nia matadalan, bele ajuda ita atu hasoru problema ka lae?”

◼ Iha tinan ida-neʼe, Memoriál sei monu iha loron-domingu 17 Abríl, maski iha reuniaun atu bá haklaken iha loron neʼe, maibé sei la iha reuniaun kongregasaun nian seluk. Ba kongregasaun sira neʼebé baibain halaʼo sira-nia reuniaun iha loron neʼe, sira tenke halaʼo sira-nia reuniaun iha loron seluk ba semana neʼe. Se kongregasaun balu mak uza Reuniaun-Fatin ida no sira la bele muda reuniaun ba loron seluk, sira sei la halaʼo reuniaun ba semana neʼe. Se hanesan neʼe, diʼak se família sira estuda lisaun husi Livru Haklaken ba semana neʼe iha sira-nia Adorasaun Família nian.