Avizu

◼ Livru neʼebé fahe iha fulan-Marsu: Tuir Loloos, Saida mak Bíblia Hanorin? Hakaʼas an atu komesa estudu Bíblia. Fulan-Abríl no Maiu: Livru Haklaken no Sedarlah! Kuandu halo vizita fali ba ema neʼebé hatudu interese, inklui mós ema neʼebé tuir Memoriál ka reuniaun seluk maibé seidauk tuir reuniaun hotu, fahe livru Tuir Loloos, Saida mak Bíblia Hanorin? no koko atu komesa estuda Bíblia ho sira. Fulan-Juñu: Tuir Loloos, Saida mak Bíblia Hanorin?

◼ Kuandu haklaken ba ema neʼebé koʼalia lia-xinés, hatudu ba nia pájina sira husi livru kiʼik Segala Bangsa neʼebé iha lia-xinés (Antigu) (CH) no lia-xinés (Simples) (CHS), hodi hatene ida-neʼebé mak nia gosta liu atu lee. Baibain, ema husi rai-Honkóng ka Taiwán gosta liu atu lee livru iha lia-xinés (Antigu) (CH), maibé sira neʼebé husi rai-Xina gosta liu lee lia-xinés (Simples) (CHS). Kona-ba ita-nia livru sira neʼebé grava ona no vídeo sira, buka-hatene lia ida-neʼebé mak uma-naʼin komprende liu. Baibain, ema husi rai-Xina no Taiwán komprende lia-xinés (Mandarín) (CHM), maibé ema husi rai-Honkóng komprende lia-xinés (Kantonés) (CHC).

◼ Iha fulan-Agostu ita sei uza vídeo Saksi-Saksi Yehuwa—Diorganisasi utk Memberitakan Kabar Baik iha reuniaun serbisu. Nuneʼe se ita seidauk iha, agora ita bele hameno vídeo ida-neʼe liuhusi kongregasaun.